Masamu 78:24 - Amazwi Yakwe Leza 2013

²⁴ nu kufumfumula mana uwakuti yalye, ali usu wa kwiyulu.

Masamu 78:24 ပူးပေါင်းရင်းမြစ်များ

Neemiya 9:15

“Alino apakuti yatuuke uku nzala wayapeelanga icilyo ukufuma kwiyulu. Apakuyapususya uku lusala nalyo wayapeelanga amanzi ukufuma umwiwe. Wemo wayanenyile ukuya pokolola impanga ino walavile ukuyapeela.

Neemiya 9:20

Wapiile umupasi wako usuma apakuti yasundike. Wayimwile mana nga uyapeela na manzi akukoma ulusala.

Masamu 105:40

Yamulenzile, nawe wayatumile inkwale, nu kuyapela icakulya ukufuma ukwiyulu icakuikusya.

Masamu 68:9

We Leza awewe watonyizye imvula iingi, nu kuvundikila impanga yako iyalanga yafumuka.

Kufuma 16:14

Lino lumi lwasila mu lwanga pa musili paloleka tuntu tumwi tunyale nupya tupapatane ngati amamba nupya tutiswe ngati akungwi wino ali pansi.

Kufuma 16:4

Lyene Yawe anena Mose ati, “Ndakai namalenga kuti ivyakulya vinu mwensi vipone wa mvula ukufuma mwi yulu. Antu yalinzile yafuma yaya yakolonganika ivyakulya nu kusenda vyakulingana nu kulya kwa wanda onga. Mu nzila kwene ii ningamanya ndi antu yangalondela malamulo yane.

1 Kolinto 10:3

Onsi kwene yalile cakulya cili cimwi ca umupasi

Malango 29:5

Apa myaka amakumi yani ino yatipita, ukufuma pano Yawe wamupisya mu lwanga, ivyakuzwala vinu pamwi ni ndyatu vitalepuka nanti ukusila.

Malango 8:3

Wene wamulesile imupita ni nzala, nga lyene amupeela mana kuti mulye, icakulya cino mwemwe ni vikolwe vinu mutatazile mulye. Wene wacisile cii kuti amusambilizye ukuti umuntu atangaya nu umi pa cakulya citupu, suka api zwi lyonsi ilikafuma pa mulomo wa Mwene.