Masamu 78:23 - Amazwi Yakwe Leza 2013

²³ Leza nawe ali cino wanenyile iyulu ukuti liyule ivisasa,

Masamu 78:23 ပူးပေါင်းရင်းမြစ်များ

Utandiko 7:11

Lino Nowa wafika imyaka imyanda mutanda pa wanda uwalenga ikumi na cinimbali uwa mwezi uwalenga iili, maziya ya muli yayemba yafukoka amanzi, ni vipongo vya mwiyulu navyo viyulika, na manzi yaafuma.

2 Yamwene 7:19

Ali papa pano inkombe ya mwene yene yakanyile iti, “Awe cumi cico cene citange citale cicitike, nanti sile Yawe angaleka imvula itonye!” Elisya nawe ali pano wamwaswike ati, “Kwene wemo uli nu kuilolela na manso yako ntontonto kuno cilacitika. Lelo wemo utalalya kweneko vyakulya vivyo, foo.”

2 Yamwene 7:2

Lyene inkombe iyasukilile umwene inena kasema wilya iti, “Cico citange citale cicitike nanti panono, nanti sile Yawe umwisikulu angatuponyezya imvula.” Lelo Elisya aasuka ati, “Wemo ulailolela na manso yako kuno icintu cii cikucitika, lelo utalalya nanti kamwi apa cakulya cico!”

Masamu 33:9

Lino wavwanzile sile insi ipangwa. Ukwi zwi lyakwe sile ivintu vyonsi iviyako.

Ezaya 5:6

Namaleka cisapilwe. Nemo nsikutungwilanga mwenemo nanti sile ukutukolela. Namaleka ukuti cimelelwe yankololo ni myunga. Namalesya ni mvula ukutonyelela mwenemo.”

Malaki 3:10

Ndetelini icikumi consi uku Ng'anda yane ikulu, pakuti mu Ng'anda ikulu yane muye ivyakulya. Lyene njezini mulole ndi ntangayula inzota umwiyulu nu kumupongolwela upolelelo nyanya wakwe cimwi.