Masamu 77:2 - Amazwi Yakwe Leza 2013

² Umu nsita ya macuzi nemo nkapapata Umwene. Usiku onsi nkakatusya makasa yane nu kupepa aliwe kwene, lelo umwenzo wane usi myalalikwa foo.

Masamu 77:2 ပူးပေါင်းရင်းမြစ်များ

Utandiko 32:28

Lyene umuntu wilya ati, “Izina lyako litalaya nupya Yakobo, pano watulwisyanya na Leza na antu, nga watucimvya. Caleka izina lyako ndakai waya Izlaeli.

Utandiko 37:35

Ana yakwe aonsi na anaci yonsi yiiza ku kumutekezya, lelo akana ukutekeziwa avwanga ati, “Awe indi nu kulosya suka imfwe, ndondele umwanane.” Acino atwalilila ukulosya Yosefu umwana wakwe.

2 Milandu 6:28

“Na lino icipowe nanti impungo yapona umu mpanga ii, limwi nanti ivyakulya vyononeka uku mvuvuma, nanti makanta nanti ivikwe, nanti lino anisi yazanza antu yako mu musumba wao uli onsi, nanti yaponelwa nu uzanzo uli onsi nanti indwala ili yonsi,

Yobo 11:13

“Ala mwine Yobo wemo ungala uzifye sile umwenzo wako. Tumpula sile amakasa yako kuli Yawe, umupapate.

Masamu 18:6

Alino umu ulanda wane nalaizye Yawe. Napefile kuli Leza wane kuti angavwe. Wene umu Ng'anda yakwe ikulu, amauvwa izwi lyane. Inkuta zyane nazyo zyuvwika uku matwi yakwe.

Masamu 50:15

Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.

Masamu 55:17

Ukuilizyanya nu kuteta kwane kukauvwika kunoli katondotondo, umusanya nu usiku. Nu kuvwa wene akauvwa izwi lyane.

Masamu 63:6

Nga natindala pa musanzi wane, nkakwiusya, nkakwelenganyapo usiku onsi.

Masamu 86:7

Ala nemo ndi napelelwa, nkalaizya tutulwe kunuli, pano wemo ukanjasuka.

Mapinda 18:14

Umulwale akulondesya umu mwenzo wakwe ukupola zuwa, nu mwenzo wakwe ukamupelesya amaka akulwisya ulwale wakwe. Lelo umulwale ndi cakuti watovoka awe lyene ala casila, catala nu kutala.

Ezaya 26:16

We Yawe, wapezya antu yako, alino umu ulanda wao ali pakupapata kunuli.

Ezaya 26:9

Apa nsita ya usiku nkakuluuka wakwe cimwi. Lino ulalolwela aikala nsi, ali lino yonsi yalamanya ulungami vino waya.

Yelemiya 31:15

Yawe wavwanga wati kutikini kwi zwi ukufuma ku Lama, likulilizika nu kuilizyanya wakwe cimwi. Lakeli akulilila ana yakwe, akukana nu kutekeziwa pano yonsi yasendwa.

Oseya 5:13

“Lino antu aku Efulemu yalola ukuti yakulwala, nga antu aku Yuda nayo yalola ivilonda vyao, antu aku Efulemu yaya iyaya ku ina Asilya, antu aku Yuda nayo yatuma amazwi ku mwene mukulu, kuti ayazwe. Lelo wene atakweti amaka akuyapozya nanti ukulwazya ivilonda vyao.

Oseya 6:1

Antu yakuvwanga yati, “Tuini, tuwelele kuli Yawe. Wene watatulepola mu tupimfya, lelo amatupozya. Wene watatucisa, lelo amatunyepela ivilonda.

Yoane 11:31

Lyene Ayuda yano ali mu ng'anda pamwi na Maliya, ala yakumutekezya, lino yalola vino Maliya wakatuka wacincila nu kufuma, yamulondela. Yene yelenganya vino waya kwi lindi kukulosya.

Ayebulai 5:7

Lino Yesu wali pano nsi wene wapepanga nu kulenga Leza ni zwi likulu na minsozi, wino uwali na maka akumutuula ku mfwa. Leza wamuvwile, pano wene waicefizye nu kuya uwa cumi kunoli.