Masamu 77:19 - Amazwi Yakwe Leza 2013

¹⁹ Wapisile muli yemba, walamba yemba mukalamba umuzike wakwe cimwi ni ngazo muno walyatanga zisi zyakuloleka nanti panono.

Masamu 77:19 ပူးပေါင်းရင်းမြစ်များ

2 Samueli 22:8

Lyene insi izakaza nu kusunkana. Umufula wa lwelele iutenta, nu kuzungana pamulandu wakuti Leza wasosile!

Neemiya 9:11

Wapaalwile yemba apa manso yao. Lyene uyatungulula yapita apakasi na nkasi apuume ndi. Lelo anisi yao ayalondelile yene wayasumba umwi ziya, wi we lino yavwintila umu luzi lwa mukuku.

Yobo 23:14

Pano umwisikulu wamanya vino alancitila, ndi muno amapange yakwe avule yayelile.

Yobo 36:29

Kutaya nanti wenga uwamanya vino Leza akasansata amakumbi, nanti vino ukupangalansya kukacitika umwiyulu muno Leza wikala.

Masamu 104:32

Wene akati nga walolekesya pano nsi, awe cumi impanga iyazakaza yonga sile, nga wakumya uku myamba iyasuka sile icunsi.

Masamu 29:10

Yawe aliwe akateeka yayemba yonsi, nupya wene wikala pa cilimba cakwe ca wene umuyayaya.

Masamu 97:2

Amakumbi ni mfinzi vyamulilizya. Icumi nu ulungi ivikatungililila icilimba cakwe.

Masamu 97:4

Ukumyansya kwakwe kukaswefya insi yonsi, nga alino insi ilola nu kuzakaza.

Kufuma 14:28

Amanzi yaswilila nu kutuwizya maceleta ni vita ivya pa mfwalasi, ivita vyonsi vya ina Eguputo yano alondelelanga aina Izlaeli, muli yemba. Kutali nanti wenga wino wapuswike.

Kufuma 19:18

Mwamba wa Sinai onsi ala watiuvimbwa ni cunsi pamulandu wakuti Yawe ala wataika pansi mu moto pa mwamba papela. Icunsi ciya umwiyulu wa cunsi cino cikafuma mwi lungu, nu mwamba onsi iutenta na maka.

Habakuku 3:15

Wemo pa mfwalasi zyako walyatozile pali yayemba yakalamba na manzi amuli yayemba yapasika.

Loma 11:33

Lolini vino ukama wakwe Leza wavulisya! Na mano yakwe vino yavulisya nga nu kumanya vino wamanyikisya vintu. Uzye aweni angalondolola vino upinguzi wakwe waya? Uzye aweni angamanya vino akacita?