Masamu 77:10 - Amazwi Yakwe Leza 2013

¹⁰ Nga kula nupya imbwela inti, “Icikuncisa uku mwenzo, aeci icakuti, awe cumi Leza lyene amaka yakwe yatiyasila.”

Masamu 77:10 ပူးပေါင်းရင်းမြစ်များ

Yobo 42:3

Wemo wanguzya ningo uti, ‘Uzye weweni wemuno ukwezya ukuvulunganya umpandamano wane, apamulandu wakulanda amazwi akuzaila sile?’ Cumi kwene nalanda apa vintu vino nemo naposiwa ukwiluka. Nalanda na pa vintu vyakuzunguka vino vyampezya na mano, vino ningaposiwa ukumanya.

Masamu 116:11

Walanga amano yatala yampela, navwanzile inti, “Awe cumi antu yonsi aufi.”

Masamu 31:22

Nemo umu ntete walanga nkwelenganya inti, “Yatiyamfuntusya uku cinso cako.” Lelo wemo uvwile ukukuta kwane, lino nalaizye tutulwe.

Masamu 73:22

Ata see, cali sile ukutumpa kwane, nga nu kuntiluka ukwa vintu. Apa manso yako nayanga wa nyama ya mpanga.

Masamu 77:5

Nkaelenganya lyene amanda yampiti, nu kwiusya imyaka yampiti na mpiti.

Kufuma 15:6

“Iye we Yawe, ikasa lyako lilunji ilya ulamba wakoofya, lyene likavungola umwanisi wako.

Ezaya 63:15

Yawe sungala ulolekesye ukufuma ukwiyulu. Lolekesya pano nsi ukufuma ku cifulo cako calulumbi! Uzye ukutusakamala kwako, amaka yako, nu kulonda kwa mwenzo wako vyaya kwi? Ala utaezya ukutwilila!

Mako 9:24

Isi wa mwana asanzika izwi ati, “Nataila, lelo ungazwe kuti nkwatisye utailo.”

Malango 4:34

Uzye kwatala kwaya kaleza kamwi kano katala kezya ukufumya antu mu luko luze nu kuyacita antu yakako kololo, wakwe vino Yawe Leza winu wacitile mwemwe ku mpanga ya Eguputo? Mwailolile na manso inu ntontonto vino wene waomvizye amaka yakwe akulu nu ulamba. Wene waponyizye impungo ni nkondo, wacisile ivinjelengwe ni vizungusyo, nu kuleka kuti ivintu ivyakoofya vicitike.