Masamu 76:5 - Amazwi Yakwe Leza 2013

⁵ Ivita ivizwangane, yavipokolwile ivyuma vyao, ali pakulalilila utulo twa mfwa, nupya patasyala nanti wenga uwa mbezu, uwakuti aomvya ivyanzo vyao.

Masamu 76:5 ပူးပေါင်းရင်းမြစ်များ

Masamu 13:3

Unjiusye nu kungasuka, We Yawe, Leza wane. Unjule amanso, pano limwi ningakasula utulo twamfwa.

Ezaya 31:8

Ali lino lyene impanga ya Asilya ilononwa uku nkondo. Yayo nayo yasi maka ya muntu foo yano yalononeka. Aina Asilya yalapuuka inkondo ni vita vyao vilasendwa uku uzya.

Ezaya 37:36

Lyene umungeli wakwe Yawe aya mu nsakwe ya asilika ya ina Asilya. Akoma mwenemo asilika ukulingana 185,000. Cino waca sile akatondo, awe antu yalola ivyala vyao vyativilala ntangali ntangali.

Ezaya 46:12

“Munguvwe kuno, mwe antu mwe, mwemuno mwakoma umu kanwa. Mwe muno mukati ukucimvya kulaya sile lyuze lyuze.

Yelemiya 51:39

Uzye tumati manye yene yafunuka? Nemo fwandi kanjateyanyizizye cimulo. Ndaleka yakoleke, yace yasansamuke. Yene yalakasula utulo tuno yatalatala yazyuke.

Danieli 4:37

“Lyene, ne Nebukadineza, nkulumbanya nu kucindika nu kupeela ululumbi ku Mwene wa mwiyulu, pamulandu wakuti vyonsi vino wene akacita ivisuma nupya ivya ulungi. Nupya wene angacefya yayo acilumba.”

Naumi 3:18

We mwene wa ina Asilya, silola vino alasi yako yalowa. Ivilolo vyako vyalala utulo twa pe. Na antu yako yasalanganila mu myamba, nupya pasi nanti wenga uwakuyakonganika.