Masamu 75:8 - Amazwi Yakwe Leza 2013

⁸ Yawe alemile ulwako mu minwe, uluzilemo waini umukali wakwe cimwi, wino akutambikizya uku antu yonsi apanonsi. Aipe yonsi yali nukumwa tonsi pyu, yafipilile nu twakusyalikizya.

Masamu 75:8 ပူးပေါင်းရင်းမြစ်များ

Yobo 21:20

Si lekini umuntu mwipe ailolele ukononwa kwakwe, nu kuyuvwila ukali wakwe Leza Wamaka yonsi.

Masamu 11:6

Apa yaipe akaitila umunyeswa wa moto na maluti nu kuyaletela umuza wa cikaililwa ca mvumba, apakuti ayacuzye.

Masamu 60:3

Watulenga antu yako uku cululuka wakwe cimwi. Watutumwesya waini umukalipisye, tukupempezyoka sile.

Masamu 73:10

Yakalenga nu kuti na antu yakwe Leza iyasuka iyaponela mwenemo muno yali, iyatandika nu kulondela vino yakuyanena.

Mapinda 23:30

Ayayo yano yakamwesya waini, yano yakalondelela waini wino yatikinkanya ni vintu vyuze.

Ezaya 5:22

Kalanda kuno muli mwemuno mukailola ukuti mwemwe yapezyepezye uku kukoleka uwengwa! Mwe muno mukaelenganya ukuti amwemwe mwaposya nanti munguminkanya ivyakumwamwamwa, asi cimwi!

Ezaya 51:17

Zyuka we Yelusalemu, vwandamuka! Uvwile ukali lino Yawe watazile akupamola cipyu cipyu. Wene wakuumile cakuti wapempenuka, nu kupempezyoka kwati awino watakoleka!

Ezaya 51:22

Yawe Simwandalali, Kakulula wa antu yonsi, akuti, “Lyene nemo indi pakufumya intazi kuno muli, zino namutulikile uku cipyu cane. Mutalatala muvwe ukali nupya foo. Mutalaauvwa ukali ukalenga ukuti mwapempezyoka.

Yelemiya 25:15

Yawe, Leza wa ina Izlaeli wanenyile ati, “Toola mu minwe yane ulwako lwakwe waini umwesye imitundu yonsi ino ndakutuma kweneko.

Yelemiya 25:17

Fwandi nani ali pakutoola ulwako ku minwe yakwe Yawe nu kumwesya imitundu yonsi ino Yawe wantumile kweneko.

Ezekelo 23:34

Ulamwamo nu kufipilila, nga alino ukalutame. Ni vinga vyaluko vilalepola amayele yako. Ivyalanda ne Yawe Simwandalali.

Umbwilo 16:19

Musumba ukulu wankanikana mu viputulwa vitatu, nga misumba ya mpanga zyonsi yononeka. Leza aiusya Babiloni mukulu nga amumwesya waini uwamu lwako lwa cipyu ca ukali wakwe.

1 Samueli 2:7

Yawe akaleka akama yaya apina, nga apina nayo yaya akama. Wene akasausya nu kucindamika antu.