Masamu 74:19 - Amazwi Yakwe Leza 2013

¹⁹ Utatazyela antu yako, ati yapelelwa utayasumbila uku anisi yao alukang'ansi. Waiusya yao yano yakucululuka!

Masamu 74:19 ပူးပေါင်းရင်းမြစ်များ

Masamu 10:12

Katuka, we Yawe, uvunuke antu yaya aipe! Iusya yayo akucululuka!

Masamu 68:10

Ali muno antu yako yikazile mwenemo, wayimula ni vintu vino wayateyanyizizye, antu yako alanda.

Masamu 68:13

Lelo yakuloleka kwati inkunda zino yengelelako siluva zizyo zino amapa yakuyengesa wakwe zaabu, umwengululwe usaka sana. (Uzye icani cino anji yamwi nalyo kwene ale yasile yayizi mu vitata vya mfwele?)

Masamu 72:2

Leka alungika lino akuteeka antu yako, nu kuvwangila alanda.

Masamu 9:18

Umuntu uulilwa yatalamwilila lyonsi foo. Utailo wa mupina utalatala ononeke.

Lwimbo lwakwe Solomoni 2:14

Wemo uli wa nkunda ino ikafisama mu macele yamawe, mu ncende zyakufisamamo mu myamba, sindangizya usyu wako, sileka nuvwe izwi lyako, pano izwi lyako ilisuma, nupya usyu wako wazipa.

Lwimbo lwakwe Solomoni 4:1

Iyee, vino wayemba we mukundwe wane! Endi, silola vino wayemba! Mu cikuwalo cako wemo ukuzyongola amanso wa cipeele. Inyele zyako zikupungaila wa ufyo wa mbuzi zino zikutantamuka Mwamba wa Gileadi.

Lwimbo lwakwe Solomoni 6:9

Lelo natemwa wenga mpo, nga wene wayemba wa cipeele, na nyina wamuvile wenga mpo, nupya nyina wamutemwa wakwe cimwi. Akazyana yauze yakamulokesesya nu kumuwanzya, yanamwene kuli kumwi na akwisano yakamulumbanya.

Ezaya 60:8

Uzye ayaweni yaya yano yakuzyunda wa makumbi, yano yakwiza ungati ivipeele ivikupapukila ku cinsanzo?

Zefaniya 3:12

Lelo nemo ndasyapo sile munuli antu aicefya nupya afuke, yayo akalilila kunondi kuti njazwe.

Mateo 10:16

“Lolini namutuma wa mfwele pakasi ka mimbulu. Caleka mucenjele wa nzoka lelo mufuke wa nkunda.