Masamu 73:18 - Amazwi Yakwe Leza 2013

¹⁸ Ukuya kwene umucumi, wayaika muli kafuli mukonko nupya ukuyasunkilizya ukwakuti yace yapongelele!

Masamu 73:18 ပူးပေါင်းရင်းမြစ်များ

Masamu 35:6

Umu nzila yao muno yakupita, namo mufite fititi, nu kutelepa mutelepe lino umungeli wakwe Yawe afumile akuyasimuzya!

Masamu 37:20

Aipe yalalowelela. Anisi ya Mwene yalononeka kwati amaluwa yamu nyika. Nu kusendwa yalasendwa wa cunsi.

Masamu 37:24

Ndi wapona asisyala alambalile, pano Yawe aliwe akamulemelela, akatuka.

Masamu 55:23

Yakazwisya ya wazi na yayo aundyondyo apa lulimi, yene we Leza ulayasumbila umu ciwina icizike, icaula impela, lino yatacili yafike pakasi ka manda yao akwikala pano nsi. Lelo kwene nemo panondi pano, namatailanga muli wewe.

Masamu 92:7

icakuti antu aipe nanti yangavula uli wi sote, ni ntalanganyi nazyo nanti zingasyuka uli, awe yene yonsi yalalowelela pyu.

Masamu 92:8

Pano we Yawe, wewe mukulu kuluta vyonsi mpaka umuyayaya.

Masamu 94:23

Aliwe akayaswilizizya ulufyengo lwao, akayalovya pamulandu nu uyi wao. Aliwe kwene alayalovya.

Yelemiya 23:12

Ali cino fwandi umu nzila yao mulazula iviwina. Lino yapamviwa ukupita mwenemo umu mfinzi, yalapona. Pasi pano umwaka wakuyavunuka lino ulafika, ndayaletela uononesi. Ivyalanda ne Yawe.

Malango 32:35

Yawe alalandula pa vicitwa vyao nu kuyavunuka. Insita ilafika lino yalasyelemuka yapone. Uwanda wa kuzanzwa kwao wapalama.

2 Tesalonika 1:9

Uvunuko wao ulaya ulovyo umalilike, uwa kupatululwa ku Mwene nu ku maka yakwe alulumbi.