Masamu 68:31 - Amazwi Yakwe Leza 2013

³¹ Inkombe zilafuma uku Eguputo, na ina Kusyi yalakatusya amakasa yao nu kupepa we Leza.

Masamu 68:31 ပူးပေါင်းရင်းမြစ်များ

1 Yamwene 8:22

Solomoni pali pakuya imilila inkolelo ya kavuwa kakwe Yawe ala na antu yonsi yakumulola. Alino akatusya amakasa mupela,

Masamu 143:6

Natambika makasa yane kunuli, nkukuluka wa musili uume, uno ukulolela imvula.

Masamu 44:20

Itukana uku kupepa we Leza witu, itwapepa tumaleza twankandawa, utuluwi

Masamu 88:9

Ivipa vyane vyativinyomelwa nu kunyunguluka. Cila wanda nkalaizya kunuli, we Yawe, nkutumpula amakasa kunuli, nkupepa.

Ezaya 45:14

Yawe wavwanga ku ina Izlaeli wati, “Cuma caku Eguputo ni vyauculuzi vyaku Kusyi, vilaya ivyakwinu. Antu aku Seba, amusinku utali, yalawela kunomuli yaye azya inu nu kumulondelela icisila ala yali mu minyololo. Yalamufukamila nu kuzumila yati, ‘Cumi kwene Leza ali namwe, nga kutaya namuze. Kutaya Leza namuze.

Ezaya 66:19

“Alino lyene yalasininkizya ukuti anene kwene nayafulula. Ndayapeela icimanyililo nu kutuma yamwi pali yano ndapususya, ku mitundu ni mpanga zya patali zino zitatala zyuvwa ukuzyansya kwane nanti ukulola ucindami na maka yane. Impanga zyonsi izili wakwe Tasyisyi, Libya na Lidya umwaya ya fundi ya makuule. Alino nu ku Tubali na Gilisi kuko ali kuno yalaalanda vya lulumbi lwane.

Zefaniya 3:10

Ukutandikila nu kutali kwene ku nguzi zyaku Kusyi, antu yane asalangana, yayo akampepa, yalafuma kweneko nu kundetela amawila.