Masamu 68:20 - Amazwi Yakwe Leza 2013

²⁰ Leza witu, a Leza akatutuula. Ukufuma kuli Yawe Simwandalali ali kuno ufyusi witu ukafuma.

Masamu 68:20 ပူးပေါင်းရင်းမြစ်များ

Masamu 56:13

pano watumpususya ku mfwa, utalesile kuti yancimvye foo. Ali cino fwandi nemo inkaipitila na pa manso yako, umu luswepo ulukakozezya aumi.

Kufuma 15:2

Yawe akalenga kuti inje na maka, ali wino wampususya ku anisi yane. Wene ali Leza wane, wino namalumbanyanga, Leza wino tata wapepanga, nupya namamucindikanga.

Mapinda 4:23

Apa vintu vyonsi uwasunga umwenzo wako. Pano umwaya intulo izikapela umi.

Ezaya 12:2

Cumi kwene Leza ali ufyusi wane. Nkutaila lyene apaula ukoopa, pano Yawe ali maka yane, nu lwimbo lwane, nu ufyusi wane.”

Oseya 1:7

Lelo nanti cili vivyo nemo ndatemwa amu mutundu wakwe Yuda, nupya ndayatuula uku maka yane, ne Yawe Leza wao. Ntalayatuula apakuomvya ulapwa, nanti amalupanga, nanti mfwalasi na asilika akakwela pa mfwalasi, ndi vino cikaya apakulwa inkondo, awe.”

Yoane 4:22

Mwe Asamaliya mukapepa wino mutamanya, lelo swemo swe Ayuda tukapepa wino twamanya, pano ufyusi walailwe kupitila mu Ayuda.

Yoane 5:21

Pano vino Tata akatutulula afwe nu kuyapela umi, avino nu Mwana kwene akapeela wino akasi umi.

Yoane 5:23

pakuti yonsi yacindike Mwana vino yacindika Isi. Wino asyakucindika Mwana, ala asyakucindika ni Isi wino wamutumile.

Malango 32:39

“ ‘Nemo, nenga mpo, nene indi Leza. Kutaya leza namuze. Nkakoma nupya mpeela umi, nkacisa nupya mpozya, kusi nanti wenga angamufumbatula mu makasa yane.

Umbwilo 1:18

Nene mumi! Nafwile, lelo ndakai indi nu umi manda pe. Nakwata mfungulo zya mfwa ni zya kuzimo.

Umbwilo 20:1

Nupya ndola mungeli akwika kufuma mwiyulu, ala alemile mfungulo yaku ciwina caula impela nga nu munyololo ukulu cuze.

1 Samueli 2:6

Yawe aliwe akaleta imfwa nupya aliwe akapeela umi. Wene akatwala antu kuzimo, nupya akweti amaka akuyazyukula.