Masamu 68:17 - Amazwi Yakwe Leza 2013

¹⁷ Yawe wafumile uku Sinai na maceleta amazimbi na mazimbi, ukwiza mu mucifulo camuzilo, icicindame.

Masamu 68:17 ပူးပေါင်းရင်းမြစ်များ

2 Yamwene 2:11

Lino yakupita ala yafumile yakulanda, lilyo kwene iceleta lya moto iliiza lino imfwalasi zyamoto zyazusile zikutinta. Alino lisenda Eliya umwiyulu muli nkungulupya.

Masamu 18:10

Alino aya aikala pali yakelubi nga apapuka. Avwelukila zuwazuwa apa mapa ya muza.

Masamu 9:12

Wene akaiusya yao akucula, atange ailile uku mpooma zyao, nupya aliwe akayalandwila kuli yano yakayaifya.

Kufuma 3:5

Lyene Leza avwanga ati, “Utapalama pipi nupya zula ndyatu zyako, pamulandu wakuti cifulo cino uwimililepo icamuzilo.

Ezaya 2:2

“Limwi umu manda akusyalikizya umwamba apa kuulilwa Ng'anda ikulu yakwe Leza iya kumpepelamo, ali lino ulatalimpisya ukuluta imyamba yuze yonsi. Na antu ya mitundu yuze ali kuno yalaomokela.”

Ezekelo 43:7

Alanda ati, “We mwana wa muntu, ii ili ncende ya cilimba cane ca wene, nupya apano nkalyata ingazo zyane.

Ezekelo 43:9

Lyene ndakai kayale yazenzuke ku upefi wao wa tuluwi, nga yasisye ni viimbili vya tuluwi vyakwe yamwene yao. Lyene alino ndikala apakasi kao amanda pe.

Danieli 7:10

Nu luzi lwa moto ala lukukonkoloka ukufuma apa nkolelo yakwe. Kwali kweneko na antu avule wakwe cimwi akumutumikila, nga ni mintapendwa ya antu aimi nkolelo yakwe. Alino kuputwilwa kwa milandu kutandika, nga ni mpapulo zikupulwa.

Habakuku 3:8

We Yawe uzye inguzi izyatizikukalifya? Uzye imilonga yatikuletela icipyu? Uzye a yemba uwakusosizye, lino wakwezile pa mfwalasi zyako nu kuleta ucimvyo ku antu yako?

Mateo 26:53

Uzye ukwelenganya vino nemo ntangandenge kuli Tata, kuti ndakai kwene antumile maumba akulu ikumi na yaili avita vya angeli?

Malango 33:2

Yawe watentemwike ukufuma pa Mwamba wa Sinai, wakatwike wa kutunka kwi lanzi pa mpanga ya Seili nu kuyengesela pa antu yakwe ukufuma pa Mwamba wa Palani. Wene wali pamwi na angeli amazimbi ikumi, ali wa nsase zya moto ukwi kasa lyakwe lilunji.

Umbwilo 5:11

Alino ndola nupya, nga nuvwa mazwi ya angeli mazimbi ni mintapendwa! Yene yaimi iyalizizya cilimba ca wene, ni viumbwa vyaumi vini nga na ikolo.

Umbwilo 9:16

Nuvwile mpendwa ya vita vyali pa mfwalasi, vyene vyali mazimbi myanda iili maila izimbi lyonga.