Masamu 68:13 - Amazwi Yakwe Leza 2013

¹³ Lelo yakuloleka kwati inkunda zino yengelelako siluva zizyo zino amapa yakuyengesa wakwe zaabu, umwengululwe usaka sana. (Uzye icani cino anji yamwi nalyo kwene ale yasile yayizi mu vitata vya mfwele?)

Masamu 68:13 ပူးပေါင်းရင်းမြစ်များ

Utandiko 49:14

“Isakali wene ali wakwe punda wamaka punda wino akalambalala ainyunza ala ali ni visendo pi tundu lyakwe.

2 Yamwene 7:16

Lyene antu amu Samaliya yafumila ukunzi nu kuyasampa ivyali mu nsakwe zya ina Asilya. Acino, ndi muno Yawe wavwangile, amakilogalamu yatatu ya usu wa ngano yakaziwa pa mutengo wa lupiya longa lwakwe siluva, nga na makilogalamu yasano ya usu wa mbezu zyakwe baale nayo yakaziwa pa mutengo uli umwi kwene.

Masamu 105:37

Ali pakufumya aina Izlaeli mwenemo, yasenda siluva na zaabu. Musi nati wenga uwasile nupya yali akome ndi auumi.

Masamu 149:4

Pano Yawe akazangila mu antu yakwe, aliwe akayacindamika, pakuyapeela ucimvyo.

Masamu 74:19

Utatazyela antu yako, ati yapelelwa utayasumbila uku anisi yao alukang'ansi. Waiusya yao yano yakucululuka!

Masamu 81:6

“Ala asi anene namupokile ivisendo apaviye ivyamutonsizye, namwisizya ni mise pansi muno mwasinzilanga.

Kufuma 1:14

Umi wa ina Izlaeli wali uwakucululuka pamulandu wakuti aina Eguputo yayakulizyanga ukuomba incito ikome mu kutama injelwa nu kukanda indaka mu makuule nga nu mu milimo yamu vyalo vyao kwaula ukuya nu luse panoyali.

Ezaya 33:23

Indele zya mawato yao zyaciwelewele, na matanga yano yatwika kweneko yalaposiwa ukuvunguluka, apakukola umuza wakuyasimuzya.

Mpendwa 31:27

Alino uwankanye ivisampwe apakasi. Citika wakwe vivyo upeele antu aile ku kulwa inkondo. Alino citika muze upeele ku antu yonsi asyala.

Luka 15:16

Lyene akumbukila kulyako vinkapala vino yakapoli yakulya, pano patali nanti umwi uwa kumupeela cakulya.

Luka 15:22

Lelo isi aama aomvi yakwe ati, ‘Pitisyini, letini zuwa umwingila usuma kuluta pali yonsi mumuzwike. Mumuzwike ni mbalaminwe ku munwe ni ndyatu ku ngazo zyakwe.

1 Kolinto 12:2

Mwamanya ukuti lino mwali antu atataila, mwaponziwe umu nzila zingi mu kupepa tuluwi tusivwanga.

Tito 3:3

Pano mpiti twali awelewele, asyayela nupya antu akaluvyanya. Twacisilwe uzya ku nsuna ni misango yonsi ya vintu vyakuizanzya. Twasumvile nsita zitu mu kucita vyalufyengo nga nu kuzuwilana. Antu yauze yatupasile nga naswe twayapasile.

Yoswa 10:16

Lyene yamwene yalya yasano aina Amoli iyutuka nga iyaya iyafisama umwi cele ku Makeda.

Yakapingula 5:16

Uzye pacani cino yene yasile icisila ni mfwele yala yakuvwa kuno yakacema yakukuwa imiluvi iyakwamila iviteekwa? Endi umutundu wakwe Lubeni wapalukine. Yene yatelenginye ukwiza.

Yakapingula 5:19

Uku Taanaki, apipi na manzi aku Megido, akuno yamwene yizile iyalwa. Yamwene aku Kenani iyalwa kuku, Lelo yatasenzile nanti siluva nanti ivisampwe vimwi.