Masamu 68:12 - Amazwi Yakwe Leza 2013

¹² “Ala yamwene ni vita vyao yatiyapuuka!” Yamangu asiile umu misumba ali yano yankanyanga ivisampwe.

Masamu 68:12 ပူးပေါင်းရင်းမြစ်များ

Kufuma 14:25

Yawe alenga kuti mipeto ya maceleta yao isokozoke, cakuti iyapita panono panono. Aina Eguputo yavwanzyanya yati, “Yawe akulwila aina Izlaeli yaa. Acino lekini tuutuke ukufuma kunoyali.”

Mpendwa 31:27

Alino uwankanye ivisampwe apakasi. Citika wakwe vivyo upeele antu aile ku kulwa inkondo. Alino citika muze upeele ku antu yonsi asyala.

Mpendwa 31:54

Acino Mose pamwi na Eleaza simapepo, iyatola zaabu kuli yamusika akalamba ya vita umwanda onga, na yamusika ya vita izimbi, iyatwala ukwi Taalu lya Ukongano pakuti Yawe acingilile antu yakwe.

Yoswa 10:16

Lyene yamwene yalya yasano aina Amoli iyutuka nga iyaya iyafisama umwi cele ku Makeda.

Yoswa 10:42

Yoswa wacimvizye yamwene yaa yonsi ni mpanga yao pa nsita ili yonga, pamulandu wakuti Yawe, Leza wa ina Izlaeli walwisizyanga aina Izlaeli.

Umbwilo 6:15

Lyene yakateeka amu nsi, intunguluzi na yamusika akulu avita, akama na antu ya maka, nga na antu yauze, azya na antungwa yonsi yafisama mu macele nu mwisika lya milunda yamu myamba.

Yakapingula 5:19

Uku Taanaki, apipi na manzi aku Megido, akuno yamwene yizile iyalwa. Yamwene aku Kenani iyalwa kuku, Lelo yatasenzile nanti siluva nanti ivisampwe vimwi.

Yakapingula 5:30

“Yene yakulondalonda ivintu ivyakupoka nu kwankanya, umukazyana wenga nanti yaili uwa kupeela kuli cila musilika. Ni vyakuzwala visuma ivyakupeela kuli Sisela, vyakuzwala visuma ivya masenkewele, ivyakupomba mu nsingo yakwe kacimvya.”

1 Samueli 30:24

Ale fwandi, tumati aweni angamuzumilizya pamulandu kwene uu? Antu yonsi kwene yalinzile ukwankana ivilingane. Wino wensi asile akulinda iviya yalinzile ukumwankanya icipimo icili conga na vino yangankanya wiyo aile ku nkondo.”