Masamu 66:7 - Amazwi Yakwe Leza 2013

⁷ Aliwe akateeka pee na pee uku maka yakwe, aliwe akaceceta antu ya mitundu. Mutaleka fwandi yacisanguka yayuvwa kunoli.

Masamu 66:7 ပူးပေါင်းရင်းမြစ်များ

2 Milandu 16:9

Yawe Leza wako akalola pa nsi yonsi pyu, nu kupeela akapeela amaka akucimvya kuli yayo yano imyenzo yao ikamufukilila. Kwene paa pene wacita ivintu upuwaupuwa. Ali cino fwandi, ukutandika sile ilelo umalwanga inkondo.”

Yobo 9:4

Icumi Leza uwamano, nga na maka yakwe nayo akalamba. Antu yayo amutalamila, ala yailetelela sile.

Masamu 11:4

Yawe akaikala umwi sano lyakwe ilicindame. Icilimba cakwe icawene cayela apapela umwiyulu. Amanso yakwe yakalolekesya insi yonsi, ala akucevya ana ya antu.

Masamu 140:8

We Yawe, utaleka antu aipe yafikilizya amapange yao! Utaleka yakwate ulongo muli vino yampangila.

Masamu 145:13

Uwene wako uwene wa muyayaya, nga utesi wako uwa manda pe. Yawe wene akafikilizya amalayo yakwe, wene akalanga icikuku ku viumbwa vyakwe vyonsi.

Masamu 33:13

Yawe wa mwiyulu akatamba, nu kulola ana ya antu yonsi.

Masamu 62:11

Kwaya sile icintu conga cino Leza akakonkowezya penepo, cino nani namasambilila mwenemo ivintu viili. Acico icakuti, wewe Leza uli mweneco wa maka,

Masamu 75:6

Upinguzi usifuma ku ufumondaka nanti ku uwondaka, nanti ku katutu nanti ku kayeya.

Kufuma 18:11

Ndakai namanya ukuti Yawe umukulu cuze ukuluta tuleza tuze tonsi tuno antu yakapepa, pamulandu wakuti wene watuuzile antu yakwe lino aina Eguputo yacitile aina Izlaeli umunyambo.”

Danieli 4:34

“Lino imyaka cinimbali yapita, ne Nebukadineza ntumpula manso umwiyulu, nga amano yane yawela. Alino nani ndumbanya Leza Wapapelapela. Impeela umucinzi nu lulumbi kuli wiyo uwaumi pee na pee. “Wene amateekanga umuyayaya, nu wene wakwe ulikalilila amanda pe.

Danieli 4:35

Wene akalola antu amu nsi ukuti asilesile. Angeli umwiyulu nga na antu umu nsi yali mu makasa yakwe. Kusi umwi angalesya ukulonda kwakwe, nanti amuzye ati, ‘Uzye cani cino wacita?’

Mateo 28:18

Yesu nawe ayanena ati, “Napelwa maka pa viumbwa vyonsi mwiyulu na pano nsi.

Mateo 6:13

Utaleka tuponele mukweziwa kukome lelo ututuule ku Mwipe wilya.’