Masamu 65:3 - Amazwi Yakwe Leza 2013

³ Apa mulandu wa kwifya kwitu nanti tungifya uli, wemo ukatwelela apa kuluvyanya kwitu.

Masamu 65:3 ပူးပေါင်းရင်းမြစ်များ

1 Yamwene 9:3

Alino Yawe amunena ati, “Natinuvwa ipepo lyako nga nu kupapata kwako kuno wacita pa manso yane. Nemo natimpaatula Ing'anda ii ino watukuula, nu kwikamo izina lyane pakuti antu yampepa mwenemo amanda pe. Namawakanga nu kucingilila Ng'anda iyo insita zyonsi.

2 Yamwene 19:20

Lyene Ezaya umwana wakwe Amozi watumile amazwi ku mwene Hezekiya, aku munena ndi vino ipepo lyakwe lyatilyasukwa kuli Yawe, Leza wa ina Izlaeli, ilya pamulandu na Senakelibu umwene waku Asilya.

2 Yamwene 20:5

“Swilila ukamunene Hezekiya umwene wa antu yane uti, ‘Yawe, Leza wa cikolwe cako Davidi wavwanga ukuti natinuvwa ukupapata kwako, na minsozi yako natinjalola. Fwandi nemo namakupozya nu wanda uwalenga yatatu, ale wakwela kunondi, uku Ng'anda ikulu yakwe ne Yawe.

Masamu 38:4

Uyi wane wati unduta, wati untuwizya mwi ziya lya maifyo yane. Vyati vintotomezya pansi pamulandu wakunyoma kwaviko.

Masamu 40:12

Amalanda avule wakwe cimwi yatiyamvulila, Uyi wane uwati ulenga vyonsi vii. Lyene natinsuka intela mwenemo nu kulolekesya. Uyi wane watiuvula ukuluta ni nyele zyaku mutwe wane, cati cimputula nu musana.

Masamu 51:7

Umfule na manzi yako, inswepe, umfule nu mwenzo wane uswepe na mpee.

Masamu 79:9

Ndu tutuule, we Leza katuula witu, pano wemo wewe mucindami. Ali cino fwandi ndanga utwazwilizye, ukumbule na maifyo itu, alino antu yamakulumbanya.

Ezaya 6:7

Wiza walisintikizya apa milomo yane nga avwanga ati, “Walola, nakukumya cii apa milomo. Fwandi ukwifya kwako kwasila, ni viipe vyonsi vyafuma.”

Ezaya 66:23

Ukufuma ku mwezi upya, ukufika nu ku mwezi upya uze, ukufuma kwi Sabata lyonga ukufika nu kwi Sabata lyuze, antu yonsi yalaiza ku kupepa kuno ku Yelusalemu. Kuu kuli kulanda kwakwe Yawe.

Yelemiya 16:19

We Yawe, we maka yane, we linga lyane, cakuzinamo cane mu wanda wa ulanda. Imitundu iliza kunuli, ukufuma ku mipaka ya mpanga ilalanda nu kuti, “Yatata yapyanyile ivyaufi utupu tupu, ivyaciwelewele, vyaula amaka.

Zakaliya 13:1

Yawe Wamaka yonsi wavwanga wati, “Lino insita iya ilafika, intulo yonga ilapongwela amanzi, yano ana yakwe Davidi na ina Yelusalemu yalafulala ku ukowezi wao.

Yoane 1:29

Uwanda walondelela Yoane alola Yesu akwiza kunoli, ati, “Lolini, Mwana wa Mfwele wakwe Leza wino akafumya maifyo ya antu.

Galatiya 5:17

Pano vintu vino untunze witu ukalonda vyapusana na vino Mupasi Wamuzilo akalonda, nga ni vintu vino Mupasi Wamuzilo akalonda navyo vyapusana na vino untunze ukalonda. Vii vyoili vyaya pa wanisi na cii cikusenula ukuti mutangacita vino mukasi kucita.

Ayebulai 9:14

Endi, vino cii ica cumi, uwazi wakwe Klistu ulaomba vikulu kuluta. Mu Mupasi wape, wene waipile kuli Leza wa mpolelwa yaula ndema. Wazi ukaswefya myenzo itu kufuma ku malamulo aciwelewele pakuti twatumikila Leza.

Umbwilo 1:5

Cikuku nu mutende viye namwe kufuma kuli Yesu Klistu kambone uwakutailwa, uwali wankolelo kuzyukuka kufuma ku mfwa, nupya wene ali kateeka wakwe yakateeka yonsi amu nsi. Wene watutemwa nupya waipile kuti atukulule ku maifyo itu