Masamu 65:11 - Amazwi Yakwe Leza 2013

¹¹ Iye mwe! We vilyo nu wingi! Wewe ukuleka tutuuke cila mwaka! Konsi kuno we Leza wapolelela, ali kuno ni vilyo vikavulisya!

Masamu 65:11 ပူးပေါင်းရင်းမြစ်များ

Yobo 36:28

Nga alino nayo imvula itandika ukuvovomoka ukufuma umu makumbi, nu kutonyela pa vyalo vya antu.

Yobo 5:10

Aliwe akaleta imvula pano nsi, akasansa amanzi umu vyalo vitu.

Masamu 103:4

Akamfumya uku milomo yi lindi, nu kunkwatila uluse pee ni nkumbu.

Masamu 104:13

Ukufuma ukwiyulu ukatuma imvula nu kwiza tonyelela umu myamba, icakuti umu mpanga imufunkuka ivisuma ukufuma uku upolelelo wako.

Masamu 104:3

Napa manzi ya mwiyulu ali pano wakuula Ng'anda yako. Amakumbi ali yano wacita iceleta lyako. Umu muza ali muno wemo ukapitila.

Masamu 25:10

Inzila zyonsi zyakwe Yawe ulukundo ni cumi yayo akusunga upangano wakwe na masunde yakwe.

Masamu 36:8

Yene yakalya ivyakulya mpe, umu ng'anda umwako, iyikuta. Ukayamwesya nu mukaluzi ka nsansa zyako.

Masamu 5:12

Umu cumi, we Yawe, ukapolelela yayo akacita ivyaololoke nu kutemwa kwako kukayacingilila wa cisyangu.

Masamu 68:10

Ali muno antu yako yikazile mwenemo, wayimula ni vintu vino wayateyanyizizye, antu yako alanda.

Mapinda 14:18

Imbutuma zikapelwa iviine nu welewele waziko, acenjele yene yakapelwa amaka akumanya.

Yowelo 2:14

Limwi limwi akasenula umwenzo nu kwelela, alino nu kutupolelela. Upolelelo uo ukaya uwa vilyo ni vyakumwa ivyakupeela kuli Yawe Leza winu.

Hagai 2:19

mutakweti ing'ano izingi umu nkoma zinu. Amatingi, amasamvu, imipomegeleneti ukwikapo ni miolivi kwene vyonsi vitaseeka. Lelo ukutandika pa wanda wi lelo kwene nemo namamupolelelanga pe.”

Malaki 3:10

Ndetelini icikumi consi uku Ng'anda yane ikulu, pakuti mu Ng'anda ikulu yane muye ivyakulya. Lyene njezini mulole ndi ntangayula inzota umwiyulu nu kumupongolwela upolelelo nyanya wakwe cimwi.

Loma 11:17

Misambo imwi ya muolivi uno antu yalema yene yaputulwa, nga pa viposi vya misambo iyo palematikwa misambo ya muolivi uwamu mpanga. Mwe Akulukuwa mukoline wa misambo ya muolivi uwamu mpanga ino yalematikweko, nga ndakai mwati mukumako kukupolelelwa kwakuya vilundwa ku Ayuda.

Malango 11:12

Yene ili mpanga ino Yawe Leza winu akasunga nu kuiwaka pee ukufuma pa kutandika kwa mwaka ukufika na pa mpela ya mwaka.