Masamu 64:6 - Amazwi Yakwe Leza 2013

⁶ Lino yakupanga ukucita iviipe, yene yakati, “Eya mwandi, paa apapela ukupangana!” Ee kwene umucumi, amano ya muntu, yaya acimpelezya!

Masamu 64:6 ပူးပေါင်းရင်းမြစ်များ

Utandiko 39:15

Lino uuvwa kuno napunda, wene asya ikoti lyakwe lii mu makasa yane, nga autuuka afuma nu mu ng'anda.”

Masamu 10:11

Umwipe akaelenganya umu mwenzo ati, “Leza atasakamile! Watazyata amanso nga atangatale andole!”

Masamu 35:11

Yakambone yaufi nayo yatiyankatukila, nu kuntumpwila ivintu vino nemo ntamanyile.

Masamu 49:11

Amalindi yao ala yasyala ali vifulo vyao pe na pe. Ala amuno yasyala yakwikalilila amanda yonsi, nanti angala uku mpiti yaikwatile ivifulo vyao.

Masamu 5:9

Ivikavwanga anisi yane visi vyakutaila foo. Yene yakalonda sile ukonona ivintu. Imvwango zyao izyakulyongofya, lelo zyazulamo amazwi yausomvi.

Mapinda 20:5

Amapange amu mwenzo wa muntu yakoline wi tenga. Umuntu wa mano aliwe akatapa mwenemo.

Ezaya 29:15

Kalanda ku antu yano yakaezya ukufisa Yawe amapange yao! Vino yene yakapanga ukucita, yakavicitila umu umfisolo nu kwelenganya yakaelenganya ukuti kusi nanti wenga akuyalola nanti ukumanya vino yakucita.

Mateo 26:59

Yasimapepo akalamba ni nkombe zyonsi zya mwi Tengo yezya kulonda umboni waufi pali Yesu kuti yamukome.

Yoane 19:7

Iumba nalyo lyasuka liti, “Swemo twakwata isunde litu lino likati alinzile ukufwa, pano wene akuilanda vino Mwana wakwe Leza.”

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.

1 Samueli 22:9

Alino Doegi umwina Edomu, wiyo wino wimilile pipi na aomvi yakwe Saulo, avwanga ati, “Nemo naweni kuno umwana wakwe Yese akwiza ku Nobu kuli Aimeleki umwana wakwe Aitubi.

1 Samueli 24:9

nga anena Saulo ati, “Uzye pacani cino ukauvwila antu yano yakakunena iyati, ‘Davidi akulonda ku kucitila cimwi iciipe?’

1 Samueli 25:10

Lyene Nabali aasuka ati, “Uzye Davidi umwana wakwe Yese, ivyani vino ali? Amanda yaa aomvi yatiyaseeka sana ukupuuka ku asambazi yao.