Masamu 63:11 - Amazwi Yakwe Leza 2013

¹¹ Lelo umwene umusambazi wa mpanga ino, wene alakuzangila we Leza. Na yao yonsi akalondela we Leza, yalasansamuka. Lelo utulomo twakwe yayo akatumpoka, twene yalatumatilizya.

Masamu 63:11 ပူးပေါင်းရင်းမြစ်များ

Yobo 5:16

Caleka Leza akalenga alanda ukukwata upaalilo. Alufyengo yene akayaputula umulomo.”

Masamu 107:42

Aololoke imyenzo yaweni cico, iyazanga, nu uyi onsi iyauputula umunyanya.

Masamu 2:6

“Natindasika mpiti umwene wane, ali pa Zioni, umwamba wane uwamuzilo.”

Masamu 21:1

We Yawe, ala umwene watasansamuka, pano wemo wamupeela amaka ya kucimvya. Wene akuzanga pano wemo wamupeela ucimvyo.

Masamu 31:18

Myalalika utunwa twao, yaye a yaciulu, pano twanenolanga cilumba cilumba uwakaele.

Masamu 44:20

Itukana uku kupepa we Leza witu, itwapepa tumaleza twankandawa, utuluwi

Ezaya 19:18

Mu wanda ulya mu misumba isano yamu mpanga ya Eguputo yalavwanga Ciyebulai, nga na antu yamwenemo yalalapa nu kulumbula Yawe Wamaka yonsi. Umusumba wao onga ulaamwa “Umusumba wi Lanzi.”

Ezaya 45:23

Nkulapa nemwisikulu umwi zina lyane, akanwa kane kakavwanga amazwi ampomvu, yano yatangeyasenulwe, akuti, ‘Ikokola lyonsi lilamfukamila, na antu yonsi yalalapa umwi zina lyane.’

Ezaya 65:16

Umuntu wensi muno nsi wino alalenga intembo, nene kwene ne Yawe muntafutuka ndamumila ulutembo. Wiyo wensi alalapa, wene alalapa mwi zina lyakwe Leza Muntafutuka, ivinkunka vyonsi vyampiti vilapita nu kuviilila ndaviilila.”

Yelemiya 18:21

Caleka we Yawe, sungala uleke ana yao yafwe ku cipowe, kayafwe nu ku nkondo. Leka aci yao yafwilwe ana na yaiya. Leka aonsi yafwe ku mpungo, na alumendo leka yafwe ku nkondo.

Zefaniya 1:5

Ndonona yayo akakwela apa mapaala yao nu kupepa ilanzi, umwezi ni ntanda, yayo akati yakapepa Yawe nu kulapa umwi zina lyakwe, lino yene yakulapa mwi zina lyakwe Moleki.

Loma 3:19

Lelo swemo twamanya ukuti vyonsi ivyaya mu Masunde vyakuma antu kwene yao apilwe Masunde, pakuti kutaya umuntu nanti wenga uwakuipela insambu, nga na pakuti amu nsi yamanye vino Leza alayapingula.

Malango 6:13

“Mwaoopa Yawe Leza winu. Mwamupepa aliwe wenga sile nu kucita ivilayo umwi zina lyakwe mpo.

Ayebulai 6:13

Lino Leza walavile Abulaamu, wene walavile nu mulapo kucita vino walavile. Vino kutali umwi mukulu kuluta aliwe, umwisikulu waomvizye izina lyakwe pa kulaya nu mulapo.

1 Samueli 23:17

“Utuvwa intete. Tata Saulo atalacita cimwi iciipe kunuli. Wene amanyile ningo ukuti wemo ulaya umwene wa ina Izlaeli nu kuti nene ndaya wakwe ciili kunuli.”

1 Samueli 24:20

Manyile ukuti icumi kwene wemo ulaya umwene nu kuti uwene wa Izlaeli ulatwalilila lino wemo uli pa cilimba.