Masamu 63:1 - Amazwi Yakwe Leza 2013

¹ We Leza, awewe Leza wane, nupya nkukuluka wakwe cimwi. Ku mwenzo kwane kwatikuuma, pamulandu nu kulonda wewe. Umwili wane, watiuumila pamulandu nawe. Uli kwati umusili wakwe mpanku, ulangoke, umwaula amanzi.

Masamu 63:1 ပူးပေါင်းရင်းမြစ်များ

2 Samueli 15:28

Nemo namaya nkakulolela api lambwa mu lwanga mpaka mpokelele amazwi ukufuma kunuli.”

1 Milandu 16:14

Wene ali Yawe, Leza witu. Akateeka insi yonsi pano pansi.

Yobo 8:5

Lelo wemo ule usenukile kuli Leza, nu kupapata Leza Wamaka yonsi.

Masamu 118:28

Wewe, uli Leza wane acino nakutaizya. Wemo awewe Leza wane, nemo namakulumbilizyanga.

Masamu 119:81

Umi wane wati uongoka apakulonda ukuluzi wako, lelo nemo nkapaalila umu ulayo wako.

Masamu 143:10

Unsambilizye ukucita ukulonda kwako, pano wewe uli Leza wane. Uye umusuma kunondi, untungulule umu nzila ilungamane.

Masamu 143:6

Natambika makasa yane kunuli, nkukuluka wa musili uume, uno ukulolela imvula.

Masamu 31:14

Lelo nemo nataila muli wewe, we Yawe, nupya nkuvwanga inti, “Wewe uli Leza wane.”

Masamu 42:11

Uzye pacani fwandi cino nikalile ulanda ulanda vii? Icati cinsakamalika vii icani? Awe nemo nkanataila sile muli Leza, nupya kwene ali wino nemo namawanzyanga, katula wane na Leza wane.

Masamu 5:3

We Yawe ukauvwa izwi lyane akatondo. Lini ilanzi lyatunka, inkakulenga nga indolela kuti ungasuke.

Masamu 78:34

Lino wakomilepo yamwi asile penepo, yamwi ali pakuwelulukila kunoli, iyazenzuka nu kuzenzuka nupya iyamupepa wakwe cimwi.

Masamu 84:2

Umwenzo wane wati ufwa sile uku ciluka cako! Pasi paciluka ica misolo ya kwisano lyako, we Yawe nkukwimbila nu luzango lonsi we Leza wa umi.

Masamu 91:2

alanena Yawe ati, “Wewe uli cele lyane, muno nkauwa! Wewe Leza wane wino nataila.”

Kufuma 15:2

Yawe akalenga kuti inje na maka, ali wino wampususya ku anisi yane. Wene ali Leza wane, wino namalumbanyanga, Leza wino tata wapepanga, nupya namamucindikanga.

Kufuma 17:3

Lelo antu yali nu lusala cuze nga yatwalilila kuilizyanya kuli Mose yati, “Uzye pacani cino watufumizye mu Eguputo? Uzye walondanga kuti utukome nu lusala, sweswe, ana itu, nga ni viteekwa vitu vwile?”

Mapinda 8:17

Natemwa yayo antemwa, na wiyo uwacincila ukundonda akanzana.

Lwimbo lwakwe Solomoni 5:8

Mwe anaci amu Yelusalemu, ndi mwalola mukundwe wane, napapata mumunene ukuti nemo natintemboka sile ku kumuluka.

Ezaya 32:2

Nayo yalaya kwati ali yakucingilila antu uku muza. Kwati ali yano yalapusukilako uku cipunga caku ufumondaka. Yalaya wa tunguzi twa manzi utwaya mu lwanga, ungati ali cisao ca mulunda umu mpanga yumalale.

Ezaya 35:7

Umucanga ulya ukaye ulasanguka yemba. Mulazula nu tufukoka. Uwikalo wakwe yankusa ulasanguka amasanga ya matete ni mpunga.

Ezaya 41:18

Ndacita utufukoka umu myamba umutaya imiti ni sote. Ndaleka ukuti utufukoka tutuluke umu mikonko. Umu lwanga namo ndafukula ivifula vya manzi. Mu mpanga iyumalale namo ndapanga intulo ya manzi.

Yelemiya 31:1

Yawe wavwanga wati, “Mu manda yalya ndaya Leza wa nko zyonsi zyakwe Izlaeli, nazyo zilaya antu yane.”

Yelemiya 31:33

Upangano uno ndapangana na ang'anda yakwe Izlaeli, amanda ndi yapita ali uu: indika amasunde yane mu nda zyao, ndayalembela nu mu myenzo yao. Ndaya Leza wao, nayo yalaya antu yane.

Oseya 5:15

“Alino lyene ndaswilila ku cifulo cane, mpaka lino antu yane yalazumila ukuti yali nu mulandu, nu kutandika ukundondandonda. Mu ucuzi wao yalezya ukundonda ni myenzo yao yonsi kuti yanzane.”

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Mateo 12:43

“Lino mupasi wankota wafuma mu muntu, ukapitana mu lwanga ala ukulonda cifulo apa kupuza. Lelo ndi utazanyile pamwi,

Mateo 6:33

Mu cifulo cakwe cii mutale mulonde Uwene wakwe Leza nga nu wololoke wakwe, nga nawe alamupeela vintu vii vyonsi.

Yoane 20:17

Yesu amunena ati, “Utandemamo pano ntali nkwele inje kuli Tata. Lelo yanga ku inane ukayanene vino nkukwela inje kuli Tata, ali So, Leza wane nupya Leza winu.”

Yoane 7:37

Pa wanda wa kumalila kuzevya kwa cimulo nupya uli wanda ukulu, Yesu aimilila, asanzika izwi ati, “Wino wensi ali nu lusala alinzile kwiza kunondi kuti amwe manzi!

1 Samueli 22:5

Alino Gadi kasema wakwe Yawe anena Davidi ati, “Utanga uwaikala ukwi cele foo. Awe cakana sana. Pitanga uye ukikale mu mpanga ya ina Yuda. Davidi pali pakufuma kweneko aya mu mutengo uwaku Heleti.”