Masamu 62:10 - Amazwi Yakwe Leza 2013

¹⁰ Mutataila umu vyaukakasi, mutazangila umu vyuma vyamu wivi. Nanti sile ivyuma vinu kwene nga cakuti vyavulisya, mutaviika kweneko amano!

Masamu 62:10 ပူးပေါင်းရင်းမြစ်များ

Yobo 20:19

Pasi pano lino wali pano nsi wikalile ukucuzya alanda, nu kuyasuula. Walunzilepo nu kupoka ku lukang'ansi, amang'anda yano wene atakuuzile.

Yobo 20:29

Fwandi vivyo ali vino isyamo lyaya, lino Leza akaletela umuntu umwipe. Nu upinguzi uku muntu akafutatila Leza, ali vino ukaya.”

Masamu 39:6

nu kukolana wakolana ni cinzingwa! Navino akacita, umu cuumi ivyasile sile vyonsi. Wene akaitulikila ivyuma, lelo ukwaula ukumanya wino alavilila penepo.

Masamu 4:3

Mutailila ukuti Yawe umweneco waipaalwila akacita vyaololoke. Yawe akanguvwa nga napepa kunoli.

Masamu 49:6

Lelo antu yaa, yene yasumvile amano yao ukuvyama, yakuitanka sile apa ukama wao.

Masamu 52:7

“Uzye asi ali wiya uwakananga ukuzina kuli Leza? Wene wasumvile sile amano uku vyuma vyakwe nyanya, ali muno nu mwenzo wakwe onsi wasintilile!”

Masamu 91:14

Leza akuti, “Nemo namatulanyanga yao antemwa, nu kutaasya yayo amanya.

Mapinda 23:5

Ivyuma vyako limwi ungaponga nakuno viile, ungati sile ivintu vino vimezile amapa nu kupapuka wakwe lyang'anda.

Ezaya 28:15

Mwemo mukuyuvwa ukuti mukauvwana ni mfwa, mukuti mwapangana ni mpanga ya afwe. Mwemo mwasininkizya ukuti lino icinkunka ciliza, mwemo citalamukuma foo. Pano mwikalilila sile ufi nu ucenjenzi apakuti ali vino vyamupokololako.

Ezaya 30:12

Lelo ukuya kwene Yawe Wamuzilo wakwe Izlaeli, walanda wati, “Apa misuli ino mwakwata kunondi, mwikalila sile ukuncuzya nga nu ucenjezi.

Ezaya 40:15

Imitundu ya antu Leza akailola ungati akalitoni ka manzi akali apa milomo ya nsembo ya manzi. Yene yaya wa tupece twa lusenga ululi pa cipimilo. Nanti sile ivilila kwene, akavilola ungati ulukungu sile uku kupepuka.

Ezaya 40:17

Imitundu yonsi ya antu, Yawe akailola kwati iyasilesile, kwati itaya na penepo.

Ezaya 47:10

“Wemo utakwatanga insonyi apa kwifya, pano welenganyanga ukuti kusi nanti wenga wino akukulola. Amano yako nu ucenjezi wako vyakupumbozile, nga uivwanzya umu mwenzo uti, ‘Anene nenga mpo, kutaya namuze wakwe nene, awe.’

Ezaya 59:4

Mwemo nanti mwaya ku vilye vya milandu, imilandu ino mukalolwela auzo iyalufyengo sile. Mwakomela sile ukusomba ufi apakuti mwemwe icilye camuyela. Mukaya kweneko ala mwatimupanga umwakufyengelekezya auzo.

Ezaya 61:8

Yawe wavwanga wati, “Nemo natemwa ulungami, lelo nasoka wakwe cimwi uwivi nu lufyengo. Nemo namalambula ningo sana antu yane nupya namapangana nayo upangano wa pee.

Yelemiya 13:25

Yawe walanda ukuti lilyo lili syamo ililamuponela. Vili vino wene wapingula ukumucita, pamulandu wakuti mwemo mwamufutatila nu kutaila mu tuluwi tuleza twaufi.

Yelemiya 17:11

Umuntu wino akalonka icuma mu ucenjezi wakolana ni nkwale ikaulola amayayi yano itatiile. Pakasi na nkasi ka umi wakwe ali nu kuponzya vyuma vyakwe, na pakusyalikizya pasi vino alaya, lelo alasyala iciwila.

Mako 10:23

Yesu acelecensya manso nga anena alondezi yakwe ati, “Catalila akama kwingila mu Wene wakwe Leza!”

1 Timoti 6:10

Pano kutemwa impiya ili ntulo ya misango yonsi ya viipe. Yamwi akalondesya impiya yakasya inzila ya utailo nga nu kunyomeka myenzo yao na malanda aingi.

1 Timoti 6:17

Uwanena akama mu vintu vyamu nsi kuti yataitumika, nupya yatapaalila mu vyuma vino vitakwata uyo, suka muli Leza. Wene kwaula lusoko akatupeela vintu vyonsi ivyakutuzanzya.