Masamu 60:4 - Amazwi Yakwe Leza 2013

⁴ Antu yako yano yakukwatila icoopo, wemo watuyakatusizya uluunga, lyene yatiyapuuka inceto zya anisi yao.

Masamu 60:4 ပူးပေါင်းရင်းမြစ်များ

Masamu 20:5

Lyene tuce tupunde ni nsansa apakucimvya kwako nu kutumpula imendela umwi zina lyakwe Leza witu. Sangala Yawe ale akupeele vyonsi vino walenga!

Masamu 45:4

We mucindami, kalauka kacimvye, pano swemo tukulonda sile ulongo nu kulungika! Amaka yako yamaleka kuti ukacimvye!

Kufuma 17:15

Lyene Mose akuula kavuwa nu kukatemela izina ati, “Yawe ali luunga lwane.”

Lwimbo lwakwe Solomoni 2:4

Wansenzile ku ng'anda ya muteweto, ulunga lwakwe luno wimike pali nene lwali ulukundo.

Ezaya 11:12

Yawe alakatusya uluunga apakulanga imitundu ukuti akukonganika pamwi nupya antu asalangine, yakwe Izlaeli na yakwe Yuda, nu kuyaleta ukufuma mu ntunga zyonsi ziini izya nsi.

Ezaya 13:2

Apa mwamba usenguke, papunge imendela! Pundini izwi ilikalawane uku vita, muyakapizye uku minwe, yize uku mpongolo zya asambazi, yayazanze.

Ezaya 49:22

Yawe Simwandalali akuti, “Ndakapizya Akulukuwa, nu kutumpula ulunga lwane uku mutundu wane. Nayo yamaleta ana yako aonsi ale yatiyayasunsa pa viye vyao, nga na ana yako anaci, ale yatiyayapakatila mu minwe.

Ezaya 5:26

Yawe watatumpula icimanyililo apa kwama antu ya mutundu wapatali. Akuyalizizya nu muluvi apakuti yize ukufuma mu mpela zya nsi. Awe na cendi, ayayo yakukalauka na pakwiza.

Ezaya 59:19

Alino lyene yamaoopa izina lyakwe uku uwondaka nu ucindami wakwe uku ufumondaka. Aliza wa luzi luno lwapongwela, luno umupu wakwe Yawe ukusuunka.