Masamu 59:13 - Amazwi Yakwe Leza 2013

¹³ Yonone uyi uyi, uyalovye pyu pyu pyu! Alino lyene antu yonsi yalamanya ndi vino wewe Leza akateeka Izlaeli, nu kuti fwandi uteko wako walimba insi yonsi!

Masamu 59:13 ပူးပေါင်းရင်းမြစ်များ

2 Yamwene 19:19

Ali cino fwandi we Yawe Leza witu, tupususye kweneko uku ina Asilya, apakuti antu amu mitundu yuze iya pano nsi yamanye ukuti awewe sile uli Leza, nga kutaya namuze.”

Masamu 10:7

Imvwango zyakwe mwazula ivitipu, intumpu, ni ngofyo. Wene wakalauka ukulanda amazwi ya ukali aipe.

Masamu 104:35

Yakaifya kayalowelele muno nsi, patasyala nanti wenga! Lumbanya Yawe we mwenzo wane! Endi lumbanyanga Umwene!

Masamu 109:17

Watemilwe ukutipwila fwandi katipwe! Atalondanga ulongo, fwandi ulongo kalumutaluke!

Masamu 59:11

We Leza, inkuti utayakoma, pano limwi antu yane yangiza yilile. Yapase sile, yasaate uku maka yako, alino yaponge, uyalovye. We Mwene, we kavwangila witu?

Masamu 64:9

Ali lino lyene nanti yonsi yalaoopa, yalalanda na pa vintu vino Leza wacita, nu kwelenganya apa micitile yakwe.

Masamu 7:9

Mala ivicitwa vya ukakasi vya antu aipe. Lelo antu akacita ivisuma uyalambule. Pano wewe Leza wino akapima amelenganyo ni myenzo kwene. Antu ukayaputwila imilandu ukulingana navino yakalonda, nga na vino yakaelenganya.

Masamu 83:18

Yangala yamanye nu kuti awewe sile wenga ukaamwa Yawe, nupya wenga mpo, wewe uli Leza Wapapelapela umu nsi yonsi!

Mapinda 12:13

Umuntu mwipe akailetelela umwisikulu ni vitakwa vyakwe, lelo umuntu kacita wa visuma akaifuntusya uku viipe vyonsi.

Ezaya 54:5

Pano uwakuumba kwene aliwe alaya uwako. Izina lyakwe a Yawe Wamaka yonsi. Ali Katuula wako Wamuzilo wakwe Izlaeli, akaamwa Leza wa nsi yonsi.

Ezekelo 38:23

Ali vino nemo ndalanga antu ya mitundu yuze ukuti nene mukulu, nupya nene mucindami. Ali lino antu yalasininkizya ukuti fwandi nene, indi Yawe.”

Ezekelo 39:7

Ndaleka izina lyane lyamuzilo limanyikwe mu antu yane aina Izlaeli. Ntalaleka yakasuule izina lyane lyamuzilo nupya. Nga alino lyene imitundu yonsi ilamanya ukuti nene indi Yawe, Wamuzilo wakwe Izlaeli.”

Danieli 4:25

Wemo yalakufumya apakasi ka antu nupya ulikala pamwi ni nyama. Pa myaka cinimbali ulalya isote wa ng'ombe ni mbuzi apanzi, kuko kuno ulumi lulakukunga. Lyene alino ulazumila ukuti Leza wapapelapela aliwe akateeka amawene yonsi a antu nupya angalasika ali wensi wino akasi pa cilimba ca wene.

Mpendwa 32:13

Yawe wasokile aina Izlaeli nga aleka yalulumba mu lwanga pa myaka amakumi yani, mpaka inkulo yonsi ino itamuzanzizye ifwa.