Masamu 56:13 - Amazwi Yakwe Leza 2013

¹³ pano watumpususya ku mfwa, utalesile kuti yancimvye foo. Ali cino fwandi nemo inkaipitila na pa manso yako, umu luswepo ulukakozezya aumi.

Masamu 56:13 ပူးပေါင်းရင်းမြစ်များ

Utandiko 17:1

Lino Abulamu wali ni myaka amakumi fundimbali na fundimbali, Yawe aloleka kunoli nga amunena ati, “Nene Leza Wamaka yonsi. Uwanguvwila mu manda ya umi wako yonsi nu kucita vyawololoke pe.

Yobo 33:30

Apakuyapususya ku mfwa, nu kuleka yakwate insansa mu wikazi wao.

Masamu 145:14

Wene akaazwilizya yayo yonsi ali umu ntazi nga nu kukatusya yonsi yao apona.

Masamu 17:5

Nemo nkalondela umu nzila zyako kwaula ukunenuka, pano limwi ingazo zyane zingasyelemuka.

Masamu 49:15

Lelo nemo, Leza alapususya umwenzo wane, alansompola kuti ntaponela umwi lindi, nu kumpokelela.

Masamu 94:18

Akula nemo nati, “Ulwazo lwane ilwasyelemuka,” ukutemwa kwako We Yawe kukantungilila.

Ezaya 2:5

Mwe amu mupanda wakwe Yakobo, si izini twapita umu luswepo luno Yawe watupeela.

Ezaya 38:3

“Iusya we Yawe vino nikala nkakutumikila ningo ningo, umu kukufukilila. Iusya na vino lyonsi sile nezyanga ukucita ukulonda kwako.” Awe lyene Hezekiya alila wakwe cimwi, pasi pakulila mwe!

Aina Levi 23:38

Vimulo vii, ivyakulunda pa Masabata ya Mwene yano mukakwata lililili, nga na mawila kwene yaa, nayo kwene akulunda pa mawila yano mukapeela lililili, na pa mawila inu akufikilizya milapo, alino na pa mawila inu akuitemelwa yano mukapeela kuli Yawe.

Yoane 8:12

Nupya Yesu anena Afaliseo ati, “Nemo nene luswepo lwa antu amu nsi. Wino wensi wandondela, wene atalapita mu mfinzi lelo alaya nu luswepo lukatungulula ku umi.”

2 Kolinto 1:10

Wene watutuuzile ku mazanzo aipisye a mfwa, Leza alatutuula. Tukweti upaalilo munoli wakuti alatutuula nupya.

1 Tesalonika 1:10

Nupya yakalanda pa kulolela kuno mukalolela Yesu Mwana wakwe kuti aiize kufuma mwiyulu. Leza wamuzyukwile kufuma ku afwe, nga pa wanda wa upinguzi Yesu alatutuula ku ukali wakwe Leza ukwiza.

Ayebulai 2:15

Lyene mu musango uu, amuno yayo yano umi wao wayateeka uzya pamulandu wa koopa imfwa, yaye antungwa.

Yakobo 5:20

Iusyini ukuti wino wensi uwawezya kaifya kufuma ku viponge vyakwe ala wene alamutuula kufuma ku mfwa nga nu kuleka kuti aelelwe maifyo yakwe aingi.

1 Samueli 2:9

“Aliwe akacingilila antu yano yakamuyela lelo antu akacita ukakasi yene akayasunkilizya mu kanda. Pano umuntu atangacimvya ku maka yakwe wenga.