Masamu 55:23 - Amazwi Yakwe Leza 2013

²³ Yakazwisya ya wazi na yayo aundyondyo apa lulimi, yene we Leza ulayasumbila umu ciwina icizike, icaula impela, lino yatacili yafike pakasi ka manda yao akwikala pano nsi. Lelo kwene nemo panondi pano, namatailanga muli wewe.

Masamu 55:23 ပူးပေါင်းရင်းမြစ်များ

2 Samueli 3:27

Lino Abineli wafika umu Hebuloni, Yoabu amusenda pa mbali lwapa mpongolo, kwati akulonda ukulanda nawe umu nkama. Kuku kwene akuno amutota umu lunda. Avino Abineli yamukomile pamulandu wakuti wene wakomile Asaeli umwina wakwe Yoabu.

Yobo 15:32

Lino atatala wafika pano wali nu kufika, ala watanyala nu kulokota, kusi kupuuka nanti ukulemba nupya.

Masamu 112:6

Umuntu musuma wene kusi icilamuponya pansi, nupya atalatala aililikwe foo.

Masamu 121:3

Atalaleka ulwazo lwako lusyetuke, wiyo aakakulinda atalatala asipule foo.

Masamu 25:2

Muli wewe, we Leza wane, amuno nataila. Utaleka insonyi zindeme. Utaleka anisi yane yaitanka pali nene!

Masamu 5:6

Wemo ukaonona yayo akatumpoka. Yawe wapata inkomi na antu andimi ziili.

Masamu 58:9

Leka yaputulwe wa cipupa apa nsita yino yatenekile, ciye yacili aisi nanti ayume. Leka sile aipe yululwe, yapyelwe lino yacili apuma.

Masamu 66:9

Aliwe akatusunga nu kutupisya ulumi, nu kuleka ingazo zitu ukukana syetuka.

Masamu 73:18

Ukuya kwene umucumi, wayaika muli kafuli mukonko nupya ukuyasunkilizya ukwakuti yace yapongelele!

Mapinda 10:27

Ukoopa Yawe kukalundulula uumi, lelo amanda ya antu aipe yakaipimpala.

Mapinda 15:11

Kuzimo ni ciwina vyaya apa manso yakwe Yawe. Uzye lyene antu yangamufisa uli ivili mu myenzo yao?

Mapinda 27:20

Vino imfwa ni lindi vitatala viikuta, ali vino na manso ya muntu yatalatala ikute.

Kasambilizya 7:17

Utayesya umwipe, nupya utayesya iciwelewele. Uzye pacani cino ungafwila lino insita yako yakufwa itali ifike?

Ezaya 38:17

Apakucula kwene palasungutila umutende, pano awewe sile wenga ukampususya uku vikalipe vyonsi, nupya awewe ukamfumizya uyi wane onsi.