Masamu 55:19 - Amazwi Yakwe Leza 2013

¹⁹ Leza aliwe wikala apa cilimba ca wene ukutandikila sile uku mpiti, aliwe amanguvwanga nu kuleka ncimvye. Yene yatange yalole nanti cimwi cino yangacita penepo pano yataya ni coopo kuli Leza.

Masamu 55:19 ပူးပေါင်းရင်းမြစ်များ

Masamu 143:12

Lovya anisi yane uku luse lwako sile, uonone yonsi akancuzya, pano nene muzya wako.

Masamu 65:5

Ukaatwasuka we Leza, we katuula witu. Apa kututuula, wemo ukacita ivintu ivyakuzunguka. Antu yonsi apano nsi kumwi na yano yaya ukumbalama yakwe yemba, munuli amuno yataila.

Masamu 78:59

Leza pasi pakusoka apakulola ivyamusango uo, nu kuyasuula nawe ayasuula.

Mapinda 1:32

Pano ukupumboka kwa mbulwamano kukayaletela imfwa, nga nu kuzenzemba kwa viwelewele kukayatwala sile ukwilovyo.

Kasambilizya 8:11

Uzye pacani cino antu yakatalila imilandu uku mufulo? Aeci yakapingula ya milandu yasipingula zuwa.

Ezaya 36:20

Uzye alilaci lino tuleza twa mpanga zizyo twatazile itutuula impanga yonga kuli nene? Ale lyene fwandi icani cino mukwelenganyizizya ukuti Yawe ali wino angapususya Yelusalemu?’ ”

Yelemiya 48:11

Yawe wavwanga wati, “Moabu ukutandikila sile ku wance wakwe wikalanga ku matwi cele. Atatazile asendwepo ku uzya. Impanga ya Moabu yaya wakwe waini, umwikalilile, wino yatatala yitulwila umu nkolo zyuze. Fwandi nu kununkila kwakwe kutatala kusila. Kwaya sile mumu kwene muno kwayela.”

Mika 5:2

Yawe akuti, “Lelo we Betelemu waku Efulata, nanti angala wewe munono mu misumba yakwe Yuda, lelo munuli ndafumya umuntu wino alateeka aina Izlaeli. Intuntuko yakwe wiyo iya mpiti mpiti, kutandikila sile uku katalili.”

Zefaniya 1:12

Apa nsita iyo ndatoola ulukozyo ince nje mukunengula umusumba wa Yelusalemu. Ndavunuka antu atasakamalapo nanti cimwi, akaikala mu musango uno aeneco yakulondelamo, yao akaelenganya iyati, ‘Awe Leza atalacitapo icintu nanti cimwi, icisuma nanti iciipe kwene.’

Malango 33:27

Leza aliwe waya akacingilila winu mu nsita zyonsi. Akamufukatila ningo mu makasa yakwe. Wene wazinganga anisi inu lino mwemo mukuya pa nkolelo, nga amunena ukuti muyonone yonsi pyu.

Kolose 1:17

Klistu akuno wali lino vyonsi vitali viyeko, nupya muli aliwe cintu consi cakwata cifulo caciko.