Masamu 55:17 - Amazwi Yakwe Leza 2013

¹⁷ Ukuilizyanya nu kuteta kwane kukauvwika kunoli katondotondo, umusanya nu usiku. Nu kuvwa wene akauvwa izwi lyane.

Masamu 55:17 ပူးပေါင်းရင်းမြစ်များ

Yobo 19:7

Nkati ndi nailizyanya nu kupunda inti, ‘Mayo, silolini vino nemo nacula!’ Lelo pasiya nanti aumwi uwakungasuka. Nanti limwi nga nati tukavwangilwe, pasiya nanta umwi uwakuti atuputwile umulandu.

Masamu 119:62

Usiku pakasi nkakatuka ukukuwanzya apa upinguzi wako ulungame.

Masamu 141:2

Ipepo lyane likwele kunuli wa ubani, nu kutumpula kwa makasa yane, kuye wa mpolelwa ya manguzi.

Masamu 72:12

Ali wino amapokololanga antu aulilwa akupunda iyati, “Tutuulwe!” Ukwika penepo na alanda, atakwata akuyasunga.

Masamu 77:2

Umu nsita ya macuzi nemo nkapapata Umwene. Usiku onsi nkakatusya makasa yane nu kupepa aliwe kwene, lelo umwenzo wane usi myalalikwa foo.

Masamu 88:13

Lelo nemo nkakuuta kunuli we Yawe, cila katondo nkapepa kunuli.

Masamu 92:2

Cazipa ukwalazya katondo tondo uluse lwako nu usiku nalyo ukulumbanya ucumi wako wamuntaputuka,

Nyimbo zya ndosya 3:8

Nga nalino napunda ntulwe, Leza wene kusi kusumba kweneko na mano.

Danieli 6:10

Lyene lino Danieli wamanya ukuti icipope caticilembwa, aya ukwakwe, uku muputule wapapela, kuno amawindo yalozya ku Yelusalemu. Kuku kwene, ndi vino wacitanga lyonsi, Danieli afukama pansi apipi ni windo iliyulwe nga apepa kuli Leza wakwe, nu kumutaizya amaila yatatu umu wanda.

Danieli 6:13

Lyene antu yaya yanena umwene yati, “Danieli, wenga uwamu azya ukufuma ku Yuda, atacindika we musambazi, nanti ukuyela cipope kwene cino wemo walemba. Lelo wene akapepa amaila yatatu umu wanda.”

Mako 1:35

Lyene katondo tondo pa macaca, Yesu akatuka afuma mu ng'anda. Alino afuma mu musumba aya ku cifulo ukwali cele, ku kupepa.

Mako 6:46

Pacisila ca kupakasyanya na antu, apita aya akwela umwamba ku kupepa.

Mako 6:48

Waweni ukuti alondezi yakwe yali atonte pa kufiya, pano cipunga cafumanga kuno yayanga. Lyene pa macaca, Yesu aiiza kunoyali, ala akupita pa manzi. Wali pipi nu kuyapuzya,

Milimo 10:3

Uwanda umwi manguzi, cali manye nsita yakwe 3 koloko lino Konelio waweni cilolwa, muno waweni mungeli wakwe Leza akwiza kunoli, amunena ati, “Konelio!”

Milimo 10:30

Konelio aasuka ati, “Cali pacisila ca manda yani lino napepanga mu ng'anda yane manguzi, ni nsita yakwe 3 koloko. Umukupumikizya umuntu uwazwite insalu ziyengese aimilila nkolelo yane

Milimo 10:9

Pa wanda uwalondelela lino antu yaa yacili pa lwendo lwao lino yapalama ku Yopa, ilanzi umutwe papela (12 koloko), Petulo akwela pa ng'anda pipaala kuti akapepe.

Milimo 3:1

Wanda umwi Petulo na Yoane yayanga ku Ng'anda ikulu yakwe Leza pa 3 koloko amanguzi, nsita ya mapepo.

Efeso 6:18

Mwacita vii vyonsi mu mapepo, ala mukuuzya Leza kuti amwazwe. Pepini lyonsi, ndi vino Mupasi Wamuzilo akumutungulula. Muye apempukile, nupya aula kunenuka. Nsita zyonsi mwapepela antu yakwe Leza onsi.

1 Tesalonika 5:17

pepini nsita zyonsi,

Ayebulai 5:7

Lino Yesu wali pano nsi wene wapepanga nu kulenga Leza ni zwi likulu na minsozi, wino uwali na maka akumutuula ku mfwa. Leza wamuvwile, pano wene waicefizye nu kuya uwa cumi kunoli.