Masamu 54:6 - Amazwi Yakwe Leza 2013

⁶ We Yawe, nemo namakutula impolelwa nu luzango. Namakutaizya pano wemo wewe musuma.

Masamu 54:6 ပူးပေါင်းရင်းမြစ်များ

Masamu 107:22

Kayamocela impolelwa yaku muwanzya nu kumwimbila ni nsansa apa kutaka vyonsi vino wacita!

Masamu 116:17

Namakutuula impolelwa yaku kutaizya nu kutuula ipepo lyane kunuli.

Masamu 118:7

Nemo Yawe aliwe akangazwa, ndalola nakuno anisi yane yalacimba.

Masamu 140:13

Nakacendi, aololoke yalataizya izina lyako, aololoke yalaikala kunuli.

Masamu 147:1

Lumbanyini Yawe! Ukulumbanya Leza witu mu nyimbo kwazipa. Icansambu nupya calinga ukumulumbanya.

Masamu 21:13

Twakulumbanya we Yawe, katuka na maka yako! Tulaimba nu kulumbanya amaka yako.

Masamu 50:14

Ukuntaizya ne Leza, lekini akuno kuye impolelwa ya kuntuula, nu kufikilizya ulayo uno mukandaya ne Leza mukulu.

Masamu 52:9

Namakulumbanyanga sile, we Leza pa vintu vino wacita. Namapaalilanga mwi zina lyako, apa manso ya antu yako. Namakutaizyanga amanda pe, we Leza, pa vintu vino wacita. Pa manso ya antu yako, ndalanda ukuti wewe musuma, pano wewe musuma.

Masamu 7:17

Endi nemo namalumbanyanga Yawe pamulandu wa ulungi wakwe. Namaimbililanga Yawe Wapapelapela, inyimbo zyakumulumbanya.

Masamu 92:1

Cazipa ukukulumbanya wewe we Yawe, nu kukwimbila inyimbo zyakulumbanya izina lyako, We Leza wapapelapela.

Ezaya 50:7

Lelo kwene nemo Yawe Simwandalali akantuula. Ali cino nani ntakwata insonyi. Icaleka nalenga ukuti impumi yane ikome, iye ndi wakwe cilwala. Pano namanya ukuti ntalazewana foo.

Ezaya 50:9

Yawe Simwandalali aliwe akangazwa. Uzye lyene aweni angampeela umulandu? Yonsi kwene yalasila wa nsalu. Yalalowa wa cizwalo cino vipepelya vyalya.