Masamu 53:6 - Amazwi Yakwe Leza 2013

⁶ Owe mwe! Aweni fwandi angafuma uku Zioni uwakwiza pususya aina Izlaeli? Lino Leza alaswilizya antu yakwe kumwao, alino Yakobo alazanga, nga alino na Izlaeli alasansamuka.

Masamu 53:6 ပူးပေါင်းရင်းမြစ်များ

Ezila 3:11

Yimba inyimbo zya kulumbanya nu kutaizya Yawe, yala yakuti, “Yawe umusuma. Uluse lwakwe pa ina Izlaeli ulwa manda pe.” Alino antu yonsi ala yakutolelela nu kupunda apapezile amaka yao yonsi, iyalumbanya Yawe pamulandu wakuti umufula wa Ng'anda yakwe Leza watandike ukukuulwa.

Neemiya 12:43

Pa wanda kwene ulya yapeela impolelwa izingi wakwe cimwi, nga yazanga pamulandu wakuti Leza aliwe wayalenga ukuzanga. Anaci pamwi na ana nayo kwene yazanga. Icongo cakuzanga cino yacisile cuvwikanga ukufuma ukutali.

Yobo 42:10

Walanga Yobo wamala ukupapatilako yacuza yakwe, alino Yawe amuwezezya nupya ivyuma vyakwe, lyene iviwelela amaila yaili ukuluta vino vyali apakutandika.

Masamu 14:7

Endi, ufyusi wakwe Izlaeli si ule ufume sile uku Zioni. Lino Yawe alaswilizya antu yakwe kumwao, ali lino Yakobo alazanga na Izlaeli alasansamuka wakwe cimwi.

Masamu 50:2

Ukufuma uku Zioni, wawala nu usuma umwi uwacipezya mano.

Masamu 85:1

We Yawe, wapolelela impanga yako, wati kuleka nu kuti yamwana Yakobo yasyuke nupya.

Mapinda 28:1

Umuntu mwipe akapuuka, ala pasi na akumuzinganya. Umuntu musuma wene wapama wakwe cisama.

Ezaya 12:6

Pundisyini nu kwimbila ni nsansa, mwe antu aku Zioni, pano Wamuzilo wilya waku Izlaeli wene umukulu pakasi kinu.”

Ezaya 14:32

Ale lyene tulaasuka tutuli, uku nkombe zya mutundu wao uo? Tulasuka tuti, ‘Yawe Leza uwasokola Zioni, nga antu yakwe akucuziwa ali muno yalutukila.’”

Yelemiya 30:18

Yawe wavwanga wati, “Lola, ndawezya antu yane ku mpanga yao nu kukwatila cila ng'anda uluse. Yelusalemu alakuulwa cipya cipya, ni sano li linga lilakuulwa nupya cipya cipya.

Yelemiya 31:23

Yawe Wamaka yonsi, Leza wa ina Izlaeli wavwanga wati, “Lino ndayawezezya isyuko lyao, alino yalaswilizya ukuvwanga umu mpanga yakwe Yuda nu mu misumba yao yati, ‘Yawe kapuute ulutembo pali wewe, we cifulo caulungami, we mwamba ucindami!’ ”

Yowelo 3:1

Yawe avwanga ati, “Mu manda yalya nu mu nsita kwene ilya, lino ndawezezya aikazi aku Yuda ulongo nga na aku Yelusalemu,

Aina Levi 26:17

Nkaamufutatila pakuti anisi inu yamucimvye. Nupya yano amupata yakaamuteeka. Muli nu kuya ni ntete cakuti mukaautuka nalino kusi umwi akumuzinganya.

Aina Levi 26:36

“Ndalenga mwemuno mulaya mukikale mu mpanga zya anisi inu ukuya ni ntete cakuti ndi muvwa muza uulula inswaswa cilamulenga kuti muutuke. Mulautuka kwati yakumuzinga mu nkondo. Nupya mulapona pansi lino pasi mwanisi pipi na panomuli.

Amosi 9:14

“Ndawezya antu yane aina Izlaeli ku mpanga yao. Yalakuululula imisumba ino yononeka nu kwikala mwenemo. Yalalima vyalo vyamatingi nu kumwa waini wakwevyo. Yalalima imiyanda nu kulya ivyakulya vyakweyo.