Masamu 52:3 - Amazwi Yakwe Leza 2013

³ Wemo watemwa iviipe ukuluta ivisuma, watemwa intumpu ukuluta kulanda icumi.

Masamu 52:3 ပူးပေါင်းရင်းမြစ်များ

Masamu 62:4

Kwene mwemo, ala mwimilile sile apa kumuseka, nu kumufumya apa ukama wakwe. Ala mwimilile sile apa kumutumpwila ufi nu kulanda amazwi kwati akumupolelela, lelo umu myenzo inu ala mukumutipwila sile.

Mapinda 21:10

Antu aipe yene lyonsi yakalonda ukucita penepo cimwi iciipe. Nupya kutaya umuntu nanti wenga wino yakatezela.

Yelemiya 4:22

Pano kwene antu yane yatumpa, nupya yatamanya, awe. Yene yakolana na ana aula amano. Yene yatamanyile nanti cimwi. Yacenjela sile umu kucita iviipe. Yakaposiwa ukucita ivisuma.”

Yelemiya 9:8

Indimi zyao zyakolana wa nceto izyaulembe, pasi pakulanda ivya ucenjezi. Apakulanda ku ance yakalanda wakwe yacuza, lelo mukasi ka myenzo yao ala yatiyateyanya vyakuyafutukila.

Mika 3:2

mwemuno mwapata ivisuma, mwatemwa iviipe? Antu yane mwayacita kwati mukayafuwa impapa ala yacili apuma, nu kucekola iminyefu yao.

Yoane 8:44

Mwemo mwemwe ana ya Musomvi, wii ali so, nupya mwatemwa kulondela kucita kulonda kwakwe. Kufuma nu ku utandiko kwene wali inkomi. Atatala aya mwa cumi pano wene cumi citaya munoli. Lino akuvwanga ntumpu, ala wene kunoli uli mwata, pano uwa ntumpu nupya aliwe uwazitandike.

Loma 1:25

Yene yafutatila cumi ca pali Leza nu kutaila ufi. Yene yakapepa nu kutumikila viumbwa vino Leza waumba mu cifulo cakwe kaumba umwisikulu uwalinga kulumbanyiwa pe na pe! Ameni.

2 Timoti 3:4

Yalaya asomvi, azakantike nupya yalaya na mataki. Yene yalatemwa vyakuizanzya kuluta kutemwa Leza.

Umbwilo 22:15

Lelo yao akacita vya winyi na alozi, yacizelele ni nkomi, yakapepa ya tuluwi nga na yao akatumpoka mu mazwi nu mu vicitwa kwene, yaa yonsi yalasyala kunzi ya musumba ukulu.