Masamu 51:14 - Amazwi Yakwe Leza 2013

¹⁴ Untuule uku mpanzela, Leza we katula wane. Alino nu lulimi lwane lumakulumbanyanga apa ulungi wako.

Masamu 51:14 ပူးပေါင်းရင်းမြစ်များ

Utandiko 42:22

Lubeni avwanga ati, “Namunenyile nati mutacisa mulumendo, lelo mutalondanga kuvwa. Mwalola lyene, ndakai tukucula pamulandu wa mfwa yakwe.”

Utandiko 9:6

Nu muntu uwakoma umuntu muze, nawe kwene antu yauze yalamukoma. Pano umuntu waumvilwe mu cata cakwe Leza.

2 Samueli 12:9

Uzye pacani cino wasuuzile amasunde yakwe Yawe pa kucita ulukota wakwe luu pa manso yakwe? Walesile kuti Uliya umwina Hiti afwe umu nkondo pa kuleka aina Amoni yamukome nga utola nu muci kuti aye uwako!

2 Samueli 21:1

Lino Davidi wateekanga, kwali icipowe icikulu icasenzile imyaka itatu iyalondekine. Acino Davidi auzya Yawe kuti amupanzye amano pali cii, nga nawe amwaasuka ati, “Saulo na aluko lwakwe yali nu mulandu wa utazi wa katwe. Wene wakoma aina Gibyoni.”

2 Samueli 3:28

Lino Davidi uvwa impwelo pali cii, avwanga ati, “Yawe amanyile ukuti nene pali pamwi na antu yano nkateeka sweswe yakaele ku utazi uu uwakatwe kakwe Abineli umwana umonsi wakwe Neli.

Ezila 9:13

Vii vyonsi vyakutuzunya pamulandu wa maifyo ni viipe vitu vyasila, nga lelo swemo tumanyile ukuti wewe we Leza witu ukutuvunuka sile panono, ivitangalingana ni vicitwa vitu kuno yamwi pakasi kitu twatitupusuka.

Neemiya 9:33

Wemo wacita icilungame pa kutuvunuka. Wewe wacumi muli vino wacita, nanti angala swemo twifya.

Masamu 25:5

Untungulule nu kunsambilizya ukwikala mu vyacumi vyako, pano wewe uli Leza wane, wino akantuula. Wewe nataila amanda yonsi.

Masamu 26:9

Utezya ungonone pali ponga na yakaifya. Utaleka mfwe pamwi na atazi yakatwe.

Masamu 35:28

Alino nani kwene namakulumbanya, we Mwene pano wewe mulungami, nu kukuwanzya, namakuwanzyanga umusanya onsi.

Masamu 38:22

Iza zuwa ndungazwe, we Mwene nupya Katula wane.

Masamu 55:23

Yakazwisya ya wazi na yayo aundyondyo apa lulimi, yene we Leza ulayasumbila umu ciwina icizike, icaula impela, lino yatacili yafike pakasi ka manda yao akwikala pano nsi. Lelo kwene nemo panondi pano, namatailanga muli wewe.

Masamu 68:20

Leza witu, a Leza akatutuula. Ukufuma kuli Yawe Simwandalali ali kuno ufyusi witu ukafuma.

Masamu 88:1

We Yawe, Leza wino akantuula, umusanya nu usiku nkulila kunuli.

Ezaya 12:2

Cumi kwene Leza ali ufyusi wane. Nkutaila lyene apaula ukoopa, pano Yawe ali maka yane, nu lwimbo lwane, nu ufyusi wane.”

Ezaya 45:17

Lelo Yawe alatuula Izlaeli, nga ufyusi wakwe ulaya uwa muyayaya. Antu yakwe yatalazewana nanti ukulengwa insonyi nupya.’ ”

Ezekelo 33:8

Nemo ndi napingwila umuntu mwipe ukufwa, alino nawe wakana kumuceula apakusenula imisango yakwe, pakuti aikala nu umi, umwipe wiyo ndi wafwa apa uyi wakwe, awewe ndapeela umulandu apa mfwa yakwe.

Danieli 9:16

We Mwene, uku mpiti watupokololanga, acino utatwalilila ukusokela Yelusalemu. Ala Yelusalemu umusumba wako, umwamba wako wamuzilo. Amaifyo itu ni nkota zya vikolwe vitu ivyalenga kuti antu atuzingulwike yasoweka Yelusalemu kumwi na swe antu yako.

Danieli 9:7

Mwene, wewe kacita wa vyaololoke, lelo swemo swe ikazi amu Yudeya nu mu Yelusalemu tukaipupanya lyonsi sweisikulu swemuno wasalanginye mu mpanga zya mupipi ni zya kutali pamulandu wakuti tusi acumi kunuli.

Oseya 4:2

Muli sile ukutipwila, ukutumpoka, utazi wa katwe, ukwiya nu kulongozya. Antu yakulunduluka ukwifya, nupya yakalukukomana.

Habakuku 3:18

Lelo nemo namazangila muli Yawe, namakwatanga insansa pamulandu wakuti Leza a Katuula wane.

Milimo 18:6

Lino yamukana nu kulanda viipe pali aliwe, wene akunta lukungu ku vizwalo vyakwe kuti ayalange vino wapaluka kunoyali, nga ayanena ati, “Ndi mwalowa, ale umulandu winu mweisikulu! Usi mulandu wane. Ukufuma ndakai namaya ku Akulukuwa.”

Milimo 20:26

Caleka namunena icumi nati mu wanda wilelo ndi cakuti wenga uwa munomuli walowa, ale asi pamulandu wane.

Loma 10:3

Pano yatamanya inzila ino Leza akacitilamo antu kuya aololoke pa manso yakwe. Lelo mu cifulo cakwe cico, yene yezya kuya aololoke umu nzila yao aisikulu. Nupya yatazumila nzila yakwe Leza ino akacitilamo antu kuya aololoke pa manso yakwe.