Masamu 50:22 - Amazwi Yakwe Leza 2013

²² Mwemuno mwansula, ne Leza, cenjelini! Pano limwi mungazana ukuti namusantola ukwaula nu wakuti amutasye.

Masamu 50:22 ပူးပေါင်းရင်းမြစ်များ

2 Samueli 22:42

Yene yakalonda ukwazwiliziwa, lelo kusi umwi akayazwa. Yakapepa kuli Leza lelo wene asiyasuka.

Yobo 10:7

Nu kumanya wamanya ningo sana ukuti nene wakaele. Wamanya ningo ukuti kutalatala kuye umuntu nanti umwi wino alezya ukumfyombotola ukufuma mu makasa yako.

Yobo 8:13

Vivyo ivikaya ni mpela ya antu atamanya Leza. Ali vino nu upaalilo wao ukasila, ndi cakuti yilila kuli Leza.

Masamu 10:4

Umuntu umwipe asisakamala pali Yawe. Pano mu mwenzo wakwe akati, “Leza asi cimwi?”

Masamu 7:2

pano limwi yangiza yantakoole wakwe cisama, nu kundepola ukwaula nu wakuti antuule kweneko.

Masamu 9:17

Imfwa ali uyo wa antu aipe, yayo yonsi akana Leza.

Masamu 9:18

Umuntu uulilwa yatalamwilila lyonsi foo. Utailo wa mupina utalatala ononeke.

Kasambilizya 7:14

Lino ivintu vikukuzipila, wemo uwazanga, nga nupya lino intazi zyakuponela, uwaiusya ukuti a Leza akatuma vyoili, insansa ni ntazi. Utange umanye ivili nu kukuponela uku nkolelo.

Ezaya 51:13

Uzye limwi mwatimwilila Yawe wino wamupanzile? Wiyo wino wanzika amayulu nu kusimpa insi ii? Uzye pacani cino mungikalila ntetentete amanda yonsi, umukoopa sile ukali wa antu akamucuzya, akalonda ukumulovya?

Yelemiya 2:32

Uzye kwene umukazyana angilila iviyembelo vyakwe, nanti nawinga angilila umusipi wakwe? Lelo antu yane yatiyanjilila apa manda asi yakupenda.

Ezekelo 18:28

Pano wene ala watalola uyi wa vintu vino wacitanga, fwandi nawe ali pakuvita. Cacumi, umuntu wiyo alaya nu umi, atalafwa foo.

Oseya 13:8

Ndamuzanza ndi vino iculi cikacita, cico icaticiponzya ana yakweco. Nupya ndamulepola. Ndamulya papo kwene, ndi vino cisama akacita, nu kumusantola mu tupimfya ndi vino cilyanyi camu mpanga cikacita.

Oseya 4:6

Antu yane yakononeka pamulandu wakuntamanya nene. Mwe yasimapepo mwakana ukusambilila vyapali nene, acino nani kwene ndakana ana inu yataya yasimapepo.

Oseya 5:14

Ndazanza antu yakwe Efulemu wakwe vino cisama akazanza, ndayalepola mu tumpimfya ndi vino cisama wamaka akacita. Nemwisikulu ndayasantola nu kuyasya. Lino ndayakululula, kusi nanti umwi alaya na maka akuyatuula.

Amosi 2:14

Uwa lwilo atalapuuka awe, nu waulamba atalaya na maka. Ni cita citalaituula awe.

Mika 5:8

Antu yakwe Yakobo asyala yonsi yalalulumba umu antu amu nko zyuze, pakasi ka antu aingi, wakwe cisama wino akulunga cakuti angalya. Yalaya wa mwana wakwe cisama, pakasi ka ufyo wa mfwele, wino ndi wazingilila, azivwantukila nu kuzilepola. Nga lelo kusi umwi wakuzipususya.

Hagai 1:5

Uli mulandu uno Nemo ne Yawe Leza Wamaka Onsi nkuvwanga kuno muli nkuti, “Simwatala mwelenganyapo nu kukutumala pa vintu vyonsi ivikamuponela!

Luka 15:17

Lyene lino amano yamuzana aelenganya mu mano yakwe ati, ‘Aomvi yakwe tata yonsi yakalya yakwikuta na vimwi vikasyala, lelo nemo kuno namafwa kunzala!

Malango 32:18

Yilile Yawe Leza wao, katuula wao uwamaka, wino uwayapile umi.

Malango 32:39

“ ‘Nemo, nenga mpo, nene indi Leza. Kutaya leza namuze. Nkakoma nupya mpeela umi, nkacisa nupya mpozya, kusi nanti wenga angamufumbatula mu makasa yane.