Masamu 44:19 - Amazwi Yakwe Leza 2013

¹⁹ Lelo wemo watutusumba sile, twatitwikala umu mapoli umwikala ivilyanyi. Watusumba umu kanda umufitisye wakwe cimwi.

Masamu 44:19 ပူးပေါင်းရင်းမြစ်များ

Yobo 23:11

Nemo lyonsi nkalondela umu ntampulo zyakwe, ni ngazo zyane zitatala zyapumba umwikula lyakwe.

Yobo 3:5

Si mfinzi ile ipoke uwanda ulya, nupya wandatilwe ni cinzingwa, na kungwi nawe auvimbe. Si akanda kale kapoke uluswepo lwauko.

Yobo 30:29

Ya nkusa ali yano yasanguka ivyuza vyane. Tukupita na yasinsimwe.

Masamu 23:4

Nanti ningapita umu mukonko umufitisye, awe cumi ntange noope iciipe icili consi, pano we Yawe uli nane. Insonzo ni ntuwa yako vikancingilila.

Masamu 38:8

Umwili wane pasi pakuvungoka, ni vyakucita vyati vimbula. Umwenzo wane wati usama apapela, nkufuteeka sile.

Masamu 51:8

Sileka nuvwe nupya uluzango nu kusansamuka. Nu mu mafupa yane umuvungoke, ince nacina nupya ne mulanda.

Ezaya 27:1

Mu wanda ulya, Yawe alatola ulupanga lwakwe ulukalipisye, nupya alakoma nu kupezya ali luno alapezezya icilyanyi cica ci Leviatani, cino cikanyunkuta apakupita, cino cikaivyonganya nupya cino cikaikala muli yemba.

Ezaya 35:7

Umucanga ulya ukaye ulasanguka yemba. Mulazula nu tufukoka. Uwikalo wakwe yankusa ulasanguka amasanga ya matete ni mpunga.

Yelemiya 14:17

Yawe wampile ilamulo lyakunena antu pamulandu nu ulanda uno nakweti nga nani inti, “Amanso yane yakwituluka sile aminsozi umusanya nu usiku ukwaula nu kuta. Cizipe ntata ukulila pamulandu wakuti antu yane yatiyaponelwa nu uzanzo umwi uwipisye. Yati yaciswa ivilonda iviipisye.

Ezekelo 29:3

Vwanga kunoli uti, Yawe Simwandalali walanda wati, lyene namakufutukila we Falao, umwene waku Eguputo, mung'amba mukulu we, wemuno ukalambalala mukasi kakwe Nailo nu kuitanka uti, ‘Nailo ali cuma cane, nene namupanga.’

Mateo 4:16

Antu yano akaikala mu mfinzi, yati yalola luswepo lukulu lwa ufyusi. Na pali yao aikala kwati yali mu mpanga ya mfinzi, yati yalola luswepo lwa ufyusi wakwe Leza.”

Umbwilo 12:9

Cizoka cikulu cisumbwa pansi. Cene cili cizoka ca mpiti cino yakati Ciwa, nanti Satana, wino akasomba antu amu nsi. Wene pamwi na angeli yakwe yonsi yasumbwa pano nsi.

Umbwilo 13:2

Cilyanyi calolike wa nangu, ni ngazo zyakweco wakwe zyakwe ciuli, nu mulomo wali wa mulomo wakwe cisama. Cizoka cipela maka ni cilimba ca wene nu utesi ku cilyanyi.

Umbwilo 16:10

Lyene mungeli uwalenga yasano apongolwela vyamu lweso lwakwe pa cilimba ca wene ica cilyanyi. Alino kuya mfinzi mu wene wa cilyanyi, nga antu yalumanya indimi zyao pamulandu wa kuwaya,