Masamu 44:15 - Amazwi Yakwe Leza 2013

¹⁵ Lyonsi sile nemo nkuvwa insonyi, apa manso yane pasi pakuvundalila,

Masamu 44:15 ပူးပေါင်းရင်းမြစ်များ

1 Yamwene 9:7

lyene ndasukula aina Izlaeli mu mpanga ino nayapeela. Ndafuma nu mu Ng'anda ikulu kwene ii ino natimpolelela ukuya iya kumpepelamo. Alino na antu mpanga yonsi yalamusuula mwemwe mwe ina Izlaeli. Yalamulola azewane.

2 Milandu 32:21

Yawe nawe ali pakutuma umungeli, uwakomozile asilika mu nkambi ya ina Asilya. Fwandi ali vino umwene waswilile uku Asilya ala ni nkopyo zyatizilambalala uku nsonyi. Uwanda umwi ala ali umu ng'anda ikulu yakwe leza wakwe, ana yakwe yamwi yano waivyalile umwisikulu, ali yano yamutotozile na masumo, afwa nu kufwa.

Ezila 9:6

Alino mpepa inti, “We Leza wane, insonyi nu ulanda vyandesya ukusanzula amanso kunuli, Leza wane, pamulandu wakuti amaifyo itu yavulisya cuze ukuluta imitwe itu. Icumi kwene uyi witu wavulisya wakwe cimwi ukufika nu kwiyulu.

Yobo 17:6

Lyene nene natinsanguka ipinda umwi lelo, lino antu yakuomvya, nga akula yandola iyanswila na amati apa manso.

Masamu 69:7

Ala nemo, apali wewe, apano yansuulila, ni nsonyi zyandema.

Masamu 71:13

Leka yayo ankatukila insonyi ziyaleme, nu kulowa yale yalowelele sile! Yao akalonda ukuncita cimwi kayasundwe, nu kuzewana yazewane.

Masamu 89:45

Watuleka ukuti Umwene akote zuwa nu kuti lyene azewane wakwe cimwi,

Yelemiya 3:25

Katuletulambalale sile pansi pamulandu ni nsonyi. Ukuzewana kwitu kakule kutucitepo cimwi. Swemo kumwi ni vikolwe vitu twaifya kuli Yawe, ukutandikila sile uku wance witu, ukwizafika nu wanda wilelo. Twakana nu kuvwa ukwi zwi lyakwe Yawe, Leza witu.”

Yelemiya 51:51

Mwalanda muti, “Twali ni nsonyi apakuvwa umuzewanya, ala pasi pa nsonyi pa mausyu itu pamulandu na enyi yano yingile mu ncende zyamuzilo zya Ng'anda ikulu yakwe Leza.

Nyimbo zya ndosya 2:15

Antu yonsi akupita mu musumba yakukusonta ni minwe, yakufunga na makofi misula misula. Yene yakuvwanga yati, “Uzye uu uli musumba uno yakulumbilizya yati, ‘Nacansonso Citaizipila, luzango wa nsi yonsi?’ ”