Masamu 40:6 - Amazwi Yakwe Leza 2013

⁶ Impolelwa na mawila wemo usivilonda, awe. Lelo wemo wampeela amatwi akuvwilako. Usilonda amawila yakoca na mawila yakwelela amaifyo.

Masamu 40:6 ပူးပေါင်းရင်းမြစ်များ

Yobo 33:16

Akula lino yakaswile, alino nawe ayatotoza amazwi yakwe. Limwi nu kuyacilukizya apakuti ayasopesye, mu vintu vino yakuluvyanya.

Yobo 5:9

Swemo tutangatezya ivintu ivikulu vino Leza akacita, nanti ukupenda ivinjelengwe vyakwe.

Masamu 139:17

Leza, ala imyelenganyizizye yako, yatala ukuvwa nupya asi yakupenda foo.

Masamu 139:18

Nga nati nkanjipende, awe cumi yavulisya ukuluta umusensenga, nanti ningezya ukupenda likwene lino tuli nawe.

Masamu 50:8

Insikumusinkola apamulandu ni mpolelwa zinu foo. Nanti asi apamulandu wa mpolelwa zya koca zino mukantula lyonsi.

Masamu 51:16

Ndi cakuti nakutula impolelwa, usipokelela, nanti sile impolelwa yakoca, nayo kwene isikuzanzya foo.

Masamu 71:15

Nemo namatakolanga usuma wako nu kuvwanga umusanya onsi apa mipususizye yako, nanti angala nemo nafika sana penepo apakumanya kuno yalola.

Kufuma 21:6

lyene umusambazi wakwe alinzile kumusenda ku ng'anda yakwe Leza. Alino mu ng'anda yakwe Leza, amwimike pa mulyango nanti pa maingwe ya mulyango nga amutulule ikutwi. Lyene mu musango uu, ale waya muzya mpaka lino alafwa.

Ezaya 1:11

Yawe akuti, “Uzye mwemo mukwelenganya ukuti nkulonda impolelwa zinu zino mwala mwakoozya ukutuula kunondi. Ivimafwele vino mukungocela vyativimfuulila. Nanti sile amafuta ya nyama zinu izisuma nayo kwene yatiyamfuulila. Uwazi wakwe yacipambasi na wakwe yasuuku, na wakwe yasawe nao kwene watiumfuulila.

Ezaya 25:1

We Yawe, wewe uli Leza wane. Namakulumbanya nupya namalumbanyanga izina lyako. Pano wemo wacita ivintu vyakuzunguka, umu ufumacumi, ivintu vino wapanzile ukucita na mpiti.

Ezaya 66:3

Yamwi yakatuula cipambasi wa mpolelwa, yamwi yakakoma nu muntu yatuula wa mpolelwa, yatuula umwana wa mfwele wa kunyonga simbwa insingo, pakumukoma pakoca impolelwa, yamwi nayo yakatuula usu nanti uwazi wakwe kapoli, yamwi yakaocela ubani wa ciusizyo nanti ukupolelela utuluwi. Ala antu yaa pasi pakutemwa imipepele yao iipisye.

Oseya 6:6

Cumi kwene nemo nkalonda ukutemwa ukwa muntaputuka, ukuluta ukumpela sile impolelwa, Nemo nkalonda kuti antu yane yamanye nene, ukuluta ukuntuula amawila yakoca.

Amosi 5:22

Nanti angala mwandetela amawila inu akoca na mawila ya mbezu, nemo ntalapokelela. Nanti angala mwandetela amawila inu autandano asuma cuze, nemo ntalayazumila awe.

Mateo 12:7

Lelo ndi cakuti mwamanyile vino mazwi yaa yakusenula akuti, ‘Nkulonda kuti mwalanga uluse ku antu yauzo kuluta kundetela impolelwa,’ lyene mutangavunuka yano asi na mulandu.

Mateo 9:13

Acino kasambililini mazwi mu malembelo vino yakusenula, yano akati, ‘Nkulonda kuti mwalanga uluse ku antu yauzo kuluta kundetela impolelwa.’ Ntiza kukwama aololoke, lelo nizila yakaifya.”

1 Samueli 15:22

Lelo Samueli aasuka ati, “Uzye Yawe akazangila mu mawila yakoca ni mpolelwa ukuluta ukuyela amazwi yakwe? Ala icuvwilo caluta ukupeela impolelwa, nu kutezya nako kwaluta amafuta yakwe yasuuku.