Masamu 37:9 - Amazwi Yakwe Leza 2013

⁹ Pano yayo acita cipyu yalayazinga, na yayo alataila Yawe, yalikala umutende umu mpanga.

Masamu 37:9 ပူးပေါင်းရင်းမြစ်များ

Masamu 25:13

Yene yalaya nu longo lyonsi, nu luko lwao lulaikwatila impanga umwakwikala

Masamu 37:29

Antu aololoke yalikala umutende umu mpanga, nu kuipyana umuyayaya.

Masamu 55:23

Yakazwisya ya wazi na yayo aundyondyo apa lulimi, yene we Leza ulayasumbila umu ciwina icizike, icaula impela, lino yatacili yafike pakasi ka manda yao akwikala pano nsi. Lelo kwene nemo panondi pano, namatailanga muli wewe.

Mapinda 2:21

Pano antu asuma, akaele, ali yano yalikala muno nsi, akaele ali yano yalakwata mwenemo icifulo cao.

Ezaya 57:13

Ndi walaizya tumalola ndi cakuti utuluwi twako utwipe tumakutuula! Umuza ulatuulula tonsi pyu, umupu ulatusenda. Lelo wiyo wensi uwataila munondi, alapyana insi. Umwamba wane uwamuzilo ulaya uwakwakwe.

Ezaya 58:14

alino lyene mulakwata insansa zino nemo nkapeela antu yano yakambombela. Ndaleka nu kuti antu yace yamucindika insi yonsi pano yapelela. Mulailyokezya ivyuma vyamu mpanga, ino napiile Yakobo icikolwe cinu. Avino ne Yawe navwanga.

Ezaya 60:21

Antu yako yonsi pyu yalaya asuma, yalasyukila ni mpanga pee. Umucumi anene nayasimpa, nene nayaumvile apakuti yanena antu yauze vino nemo nacindama.

Malaki 4:1

Yawe Wamaka yonsi wavwanga wati, “Cumi kwene uwanda ukwiza lino antu yonsi acilumba na yakacita yankota yonsi yalapya wa mapelele. Pa wanda ulya yene yalapya pyu, mpaka yasyale itwi litupu.

Mpendwa 26:65

Pasi pano Yawe wayanenyile ukuti yonsi kwene yalafwila mu lwanga, nupya kutasiile nanti wenga, suka sile Kalebu umwana wakwe Yefune na Yoswa umwana umonsi wakwe Nuni.

Malango 5:33

Mwayela amasunde yonsi yakwe Yawe Leza winu ndi vino wamupeezile ilamulo, pakuti muye nu umi nupya mukwate ulongo nga mwikale amanda avule mu mpanga ino mulapoka nu kwikala mwenemo.

Ayebulai 11:16

Lelo yalondesyanga mpanga isuma kuluta, mpanga ya kwiyulu. Acino Leza asi ni nsonyi zyakuti yamwama ukuti a Leza wao, pano wayateyanyizizya musumba.

Yoswa 14:9

Pa wanda ulya Mose alapa nu mulapo kunondi, ati, ‘Impanga ino ulwazo lwako lwalyasilepo ilaya icaupyanyi cako ni ca ana yako amanda pe, pamulandu wakuti wemo nu mwenzo onsi wacisile ivyalondanga Yawe Leza wane.

Umbwilo 5:10

Wemo wayacita kuya yakateeka na yasimapepo akatumikila Leza witu, yene yalateeka pano nsi.”