Masamu 37:8 - Amazwi Yakwe Leza 2013

⁸ Utacita cipyu utaleka cikupenye! Utasakamikwa! Ala citange cikwavwe nanti cimwi.

Masamu 37:8 ပူးပေါင်းရင်းမြစ်များ

1 Yamwene 11:22

Lelo Falao amunena ati, “Uzye icani cino uulizya kuno kumwitu icingalenga kuti uswilile ku mpanga yakumwinu?” Hadadi nawe aasuka umwene ati, “Awe kusi cimwi. Lelo nzumilizya sile mpite!”

Yobo 18:4

Ndi cakuti watemwa, ale fwandi isankaule wemwisikulu, uifundule. Nupya umanye ukuti impanga italatala isanguke amatololo. Nanti amawe kwene yatalatala yalole nanta kumwi kuno yangakunkulukila.

Yobo 5:2

Icikonko cikakoma umuntu iciwelewele, ulunkumbwa nalo lukafyula umuntu uwaula amano.

Masamu 116:11

Walanga amano yatala yampela, navwanzile inti, “Awe cumi antu yonsi aufi.”

Masamu 31:22

Nemo umu ntete walanga nkwelenganya inti, “Yatiyamfuntusya uku cinso cako.” Lelo wemo uvwile ukukuta kwane, lino nalaizye tutulwe.

Masamu 73:15

Iciya anene navwanzile ivya musango uu, ngano nasomvile antu yako.

Mapinda 14:29

Wiyo akateeka umwenzo wakwata amano aingi. Lelo akapamviwa, wene iciwelewele wakwe cimwi.

Mapinda 16:32

Asisoka zuwa wazipapo ukuluta kavulumula wa mpanzela. Akaitonsya umweneco waluta akapokolola imisumba.

Yona 4:1

Lelo Yona citamuzanzizye wakwe cimwi, nga asoka.

Yona 4:9

Lelo Leza anena Yona ati, “Uzye ukweti insambu yakusoka pamulandu wa cimelwa?” Yona nawe aasuka ati, “Endi, nkweti nsambu, nupya nene musoke cakuti cinganzipila nu kufwa.”

Efeso 4:26

Ndi mwasoka mutaleka kusoka kwinu kumutungulule ku kwifya. Nupya mutikala asoke kufika nu kukuwa kwi lanzi.

Efeso 4:31

Acino tiini kupatana, kuya ni cipyu, nanti kusoka. Tiini kulemanila nanti kutukanana, nanti kwikilana kai mu musango uli onsi.

Kolose 3:8

Lelo ndakai mulinzile kufumako ku vintu vii. Mulinzile kutaluka ku kusoka, cipyu, nga nu lupato. Mutatukana nanti kulanda vya winyi.