Masamu 37:39 - Amazwi Yakwe Leza 2013

³⁹ Yawe akapususya antu asuma, aliwe akayacingilila nu mu nsita zya ntazi.

Masamu 37:39 ပူးပေါင်းရင်းမြစ်များ

1 Milandu 5:20

Leza wayazwilizye apa nsita ino yalwanga inkondo, nga yacimvya aina Hagili pamwi na yonsi yano yalemine nayo. Yene yataile muli Leza. Acino apa nsita ino yakulwa yapepa kunoli nga nawe auvwa amapepo yao nu kuyapeela ucimvyo pa ina Hagili na yayo alemine nayo.

2 Milandu 32:22

Umu musango uo tungati Yawe watuuzile Hezekiya na antu amu Yelusalemu uku maka yakwe Senakelibu umwene waku Asilya. Alino tungati wayatuuzile nu ku anisi yao yauze. Waleka antu kuti lyene yaikala umu longo na antu yauze yano yapalamana nayo.

Masamu 28:7

Yawe ali maka yane ni cisyangu cane, munoli ali muno umwenzo wane wataila. Wangazwa, nu mwili wane watiuzanga, ali cino nkumutaizya uku mwenzo wane onsi.

Masamu 3:8

Ukukululwa kukafuma sile kuli Yawe, upolelelo wako ungala uye apa antu yako.

Masamu 34:20

Yawe akawakilila amafupa yakwe yonsi pyu. Patangepaye nanti lyonga ilya kuvunika.

Masamu 46:1

A Leza ali wino swemo tukazina munoli. Nupya ali wino akatupeela na maka, akatwazwa lyonsi sile lino tukaya umu ucuzi.

Masamu 46:2

Ali cino fwandi, insi nanti ingatengana, swemo tutangetoope, nanti sile imyamba ingakunkulukila umu maziya yakwe yemba,

Masamu 62:2

Wenga sile, aliwe akampokolola, nupya ali cilwala wane nu ufyusi wane. Ali muno nkazina, fwandi nemo, ntalatala intelengane.

Masamu 9:10

Antu amanya we Yawe yangala yakutaila. Akakulonda we Yawe usiyatazyela.

Masamu 9:9

Yawe ali cele lyakuzina kuli yano yafyengwa. Angala aye ilinga mu kasita ka ucuzi.

Masamu 91:15

Lino yene yalandaizya nemo ndayasuka, lino yaponelwa namalanda nemo namayanga nayo. Namayataasyanga nu kuyacindamika.

Mapinda 11:8

Antu akacita vyaololoke yakatuulwa ku ntazi zyao, lelo antu aipe alio yakaponelamo.

Ezaya 12:2

Cumi kwene Leza ali ufyusi wane. Nkutaila lyene apaula ukoopa, pano Yawe ali maka yane, nu lwimbo lwane, nu ufyusi wane.”

Ezaya 33:2

We Yawe utuyele uluse, awewe twataila. Uye kazwa witu cila katondo, uye ufyusi witu mu nsita ya ulanda.

Yelemiya 15:20

Ndakulenga kuti uye ilinga lya maka, ilya mukuwa, lya kukucingilila ku mutundu uu. Yene yalakulwisya, lelo yalaposiwa ku kucimvya pano ndaya nawe apa kukutaasya nu kukuwaka.

Danieli 3:17

Ndi cakuti Leza wino tukatumikila akweti amaka akututuula ku moto wa mwi lungu nu ku maka yako, ale lyene amacita cico.

Yona 2:9

Lelo nemo namapela impolelwa kunuli apa kukutaizya umu nyimbo. Ndafikilizya vino nalaya nu mulapo. Ufyusi ukafuma kunuli we Yawe.”

Efeso 2:8

Pano mwatuuzilwe ni cikuku cakwe Leza lino mwataile.

Kolose 1:11

Mukomeleke mu maka yonsi yakwe Leza alulumbi, pakuti muposye nu kuteeka myenzo mu vintu vyonsi. Mu nsansa

2 Timoti 4:17

Lelo Leza wene atantazyezile, nupya wampile maka kuti nkosole ilandwe limalilike ku Akulukuwa yonsi kuti yuvwe. Nupya nakulwilwe ku upinguzi wa kufwa.