Masamu 37:32 - Amazwi Yakwe Leza 2013

³² Icipondo cene cikacevya uwakaele, nu kulonda umwa kumukomela.

Masamu 37:32 ပူးပေါင်းရင်းမြစ်များ

Utandiko 39:16

Lyene umuci wakwe Potifa asunga ikoti kufika lino umusambazi wakwe Yosefu wawezile.

2 Yamwene 6:13

Umwene nawe ayanena ati pitangini mufume mukalonda kuno wikala, pakuti muleke ince intume akuti yakaye yakamuleme. Alino antu yaya yawezile kuku, nga yamunena yati, “Elisya ali ku Dotani.”

Masamu 37:12

Umuntu mwipe wene akapangila umusuma, nu kumulumila incecete.

Masamu 56:7

We Leza, siyavunuke pa uyi wao. We Leza antu yanko zyuze yacimvye ukali ukali.

Mapinda 24:15

Utateyamila umuntu umusuma apakuti umwiyile, nanti ukumononela ing'anda. Pano ukucita vivyo ukwifya.

Yelemiya 11:19

Nemo natontelile wa kana ka mfwele kano yakutwala ku kufyula. Nemo ntamanyile ukuti anene yakupangila ukuncita cimwi ala yakuti, “Mwe, lekini tukome Yelemiya, tumusinde wa cimuti cino cafikila apa nsita ya kulemba. Katumukome pakuti kutaca kuye nanti umwi uwa kumwiusya nupya.”

Yelemiya 18:23

Alino nawe kwene Yawe watumanya vii vyonsi vino yakupanga ukuti yangankoma. Utezya uyayelele uluse. Apa uyi wao onsi. Utezya ufute iviipe vyao. Yafwante pansi uyacimvye. Yacitepo cimwi apa nsita ino ucisosile.”

Yelemiya 20:10

Nemo nkuvwa kuno antu aingi yakutotozana, yati, “Ingofyo konsi konsi! Si mulandililini! Lekini tumulandilile!” Nayacuza yane kwene yakulolela kuti nduvyanye cimwi, ala yakuti, “Limwi yangamulyongofya, nga naswe tucite cilanduzi kunoli.”

Danieli 6:5

Mu kusyalikizya, antu yaa yavwanzyanya yati, “Tutalatala tuzane icili consi cakupeelelapo Danieli umulandu suka sile icikumile upefi wakwe.”

Luka 11:54

pakuti yamuteye mu mivwangile yakwe.

Luka 14:1

Pa Sabata limwi, lino Yesu waile ku kulya cakulya ku ng'anda ya Mufaliseo wino uwali intunguluzi, antu yauze yamucevya.

Luka 20:20

Lino yakwata kasita kasuma, yatuma inengu izyaicisile kwati zya cumi, pakuti ziteye Yesu mu mazwi yano walandanga, kuti zingamupeela mu makasa ya mulasi uwali na maka pa uteko.

Luka 6:7

Yakasambilizya ya Masunde yamwi na Afaliseo yalondelezyanga mulandu wakupeela Yesu. Caleka yamucevya kuti yalole ndi amamupozya pa Sabata.

Milimo 9:24

Lelo antu yamwi yamusokolwela nkama pali cii. Saulo nawe amanya vino musanya nu usiku yapempulanga mpongolo kuti ataca utuke yace yamukome.

1 Samueli 19:10

Saulo pali pakwezya ukusumba isumo kuti amutotenkanye kumwi nu lung'umba. Davidi pali pakuleuka kwempe sile cakuti Saulo atota isumo mu lun'gumba. Davidi pali pakupuuka, apusuka.

1 Samueli 23:14

Davidi watwalilile ukufisama mu mpanga iya myamba, umu lwanga pipi nu ku Zifu. Saulo wezyanga lyonsi ku mulondalonda, lelo Yawe atapiile Davidi umu makasa yakwe.