Masamu 37:21 - Amazwi Yakwe Leza 2013

²¹ Umuntu mwipe akakongola ukwaula nu kulipa. Lelo umusuma wene waya nu wila nu kupeela akapeela.

Masamu 37:21 ပူးပေါင်းရင်းမြစ်များ

Masamu 112:5

Wasyuka umuntu wiyo uwaya nu mwenzo wa kukopesya auze, wiyo atakwata ucenjezi muli vyonsi vino akacita.

Masamu 112:9

Waya ni nkumbu uku alanda, nga nu luse lwakwe nalo ulwa muyayaya. Alakwatisya amaka nu kucindikwa alacindikwa.

Mapinda 22:7

Umukama akateeka alanda. Kakongola nawe akaya umuzya wakwe wiyo uwamukongwesya.

Ezaya 32:8

Lelo umuntu uwa mwenzo wa ufumacumi wene akapanga sile ukucita ivintu vya mpomvu. Nupya nu kukoma wakoma ndi, umu kucita ivilungame.

Luka 6:30

Pela kuli wensi wakulenga icintu cimwi. Muntu umwi ndi watola icakwako, utamuzya kuti akuwezezye.

Milimo 11:29

Lyene alondezi yonsi yuvwana ukusangula vya kutuma ku kwazwa aina Klistu yauze aku Yudeya, nga cila muntu asangula kulingana na pano akwatile.

Milimo 20:35

Muli vyonsi namulanga ukuti apa kuombesya na maka mu musango uu tungazwa atonte, ukwiusya mazwi ya Mwene Yesu yano wavwanzile umwisikulu ati, ‘Mukupeela mwaya upolelelo ukulu cuze kuluta mukupokelela!’”

2 Kolinto 8:9

Mwamanya cikuku ca Mwene witu Yesu Klistu. Nanti angala wali umukama, wene waicisile mupina kuti muye akama kupitila mu upina wakwe.

Malango 28:12

Yawe alamutumila imvula pa mpanga inu pa nsita yakweyo, ukufuma ku maziya akama akwiyulu nu kupolelela imilimo inu yonsi, cakuti muce mwaazimisya na vimwi ku nko zivule. Lelo mwemo mutalatala mwazime nanti ku luko longa.

Ayebulai 13:16

Mwaiusya kucita visuma nu kwazwana pano vintu vii vikoline wa mpolelwa zino zikazanzya Leza.

Ayebulai 6:10

Leza asi wa lufyengo. Wene atalilila mulimo uno mwaomba nanti kutemwa kuno mwalanga kunoli pa kwazwa kuno mucili mukwazwa aina Klistu yauzo.