Masamu 37:19 - Amazwi Yakwe Leza 2013

¹⁹ Umu nsita ya ntazi yataluvwa insonyi nu mu nsita ya cipowe namo yalaikuta.

Masamu 37:19 ပူးပေါင်းရင်းမြစ်များ

Masamu 33:19

Wene akayatuula ku mfwa, nu kuyasunga ningo umu nsita ya cipowe.

Mapinda 10:3

Yawe atalazumilizya antu akamoopa kuti yazewana uku nzala, lelo ivilondwa vya muntu mwipe vyene asivifima kunoli.

Kasambilizya 9:12

Umuntu atange amanye lino insita yakwe iliza. Cili wakwe vino ivyunyi vikaiukila ivilemya mu lukose, wa nswi ikaiukila yatilemya mwi sumbo. Avino naswe kwene tukaponelwa na masyamo pa nsita ino tutenekile.

Ezaya 33:16

Lyene mumapitanga nu longo nu kwikala ku matwi cele. Cimakolananga kwati mwikala mu musumba wi linga lyamaka. Mumaiililanga ni cakulya ningo nupya mutaluulilwa na manzi yakumwa.”

Amosi 5:13

Uli mulandu apa nsita yamusango uu, umuntu wa mano akaikala cele, pasi pano yene ili nsita imwi iipisye.

Mika 2:3

Caleka Yawe wavwanga wati, “Inkwelenganya ukumuponyezya imipamba, nupya mutalutuka awe. Muliukila sile ukuti muli umu ntazi, nupya mutalatala mupite cilumba cilumba, pano ilaya insita ya viipe.

Efeso 5:16

Mwaomvya insita zinu ningo pano manda ya ndakai aipe.