Masamu 37:15 - Amazwi Yakwe Leza 2013

¹⁵ Lelo amalupanga yao yalasenuka yayakome aisikulu kwene, na malapwa yao yawele yavuneke.

Masamu 37:15 ပူးပေါင်းရင်းမြစ်များ

2 Samueli 17:23

Lino Aitofeli walola ukuti umpandamano wakwe utalondilwe, akwela pali punda wakwe nga aswilila ku musumba kumwao. Alino pacisila cakupeela amazwi ya utunguluzi ku ang'anda yakwe, Aitofeli aikulika. Acino afwa nga iyamuzika mwi lindi lya aluko lwakwe.

Esita 9:16

Ayuda yauze, yano ikalanga umu citungu cuze ica mpanga ya mwene nayo kwene yakongine pamwi ku kuitasya nu kuilandwila. Yakomozile anisi yao ukufika uku mpendwa ya mazimbi amakumi cinimbali na yasano. Lelo yatasenzile ivisampwe foo.

Esita 9:22

Ali manda yano Ayuda yakulwilwe uku anisi yao. Amanda yamwi yano ulanda wasangwike uluzango nga nu kulila kwao kwasangwike insansa. Wayalembela nu kuti yangazanga nu kucita amalila mu manda yayo, nupya yapeelana ivyawila nu kusakamala alanda.

Masamu 34:22

Yawe aliwe amatulanyanga aomvi yakwe. Icacumi antu akazina kunoli yalapusuka.

Masamu 35:8

Kayale yapongelele sile ukwaula nu kwenekela, yalemwe nu mwi sumbo kwene lino yatevile aeneco kwene nu kuponela muli polowe wino yimvile aeneco kwene.

Masamu 46:10

Akavwanga ati, “Tiini ukulwa, mumanye ndi vino nene Leza umukulu pa mitundu yonsi pyu, nu mukulu pano nsi yonsi!”

Masamu 46:9

Wene akalesya inkondo pano nsi yonsi. Akakontola amalapwa, avunola masumo nu kusumbila visyangu apa moto mpaka ivipya!

Ezaya 37:38

Walanga uwanda umwi lino acili akupepa mu ng'anda yakwe Nisiloki, kaleza kakwe akaluwi, awe mukwai ana yakwe yaili aonsi, Adilameleki na Syalezeli, yamukoma ku lupanga, yutukila nu ku mpanga ya Alalati. Umwana wakwe muze umonsi wi zina lyakwe Esalaadoni awino amupyana pa cilimba ca wene.

Yelemiya 51:56

Yiza ku konona Babiloni. Ivita vyakwe vyalemwa na malapwa yao yakontolwa. Nene indi Leza akakalipila uyi, nupya ndacitila Babiloni ndi muno akalondela, ukulingana ni sunde.

Oseya 1:5

Mu wanda ulya ndonona ulamba wa vita vya Izlaeli mu Cifoloma ca Yezileele.”

Oseya 2:18

Mu wanda ulya ndacita upangano ni nyama zya mpanga, ni vyunyi vyamu lwelele, nga ni viumbwa ivikasela pansi, kuti vitakacitile antu yane iviipe. Nupya ndasisya ulapwa, lupanga, kumwi ni vyanzo vyuze vyonsi vya nkondo, nga nu kuvisisya umu mpanga iyo, kuti yene yikale umi wa mutende.

Mika 5:6

Yene yalacimvizya aina Asilya ku lupanga, ni mpanga yakwe Nimulodi yalaicimvya umu nkondo. Yene yalatukulula ku ina Asilya, lilyo lino yalingila mu mpanga itu, ku kutuponyezya inkondo.

1 Samueli 2:4

Amalapwa ya vita vikalawane yatiyakontoka yonsi pyu, lelo yaya yano yatali na maka ndakai yatiyakoma.

1 Samueli 31:4

Alino Saulo anena umusenda mpamba wakwe ati, “Somola ulupanga lwako untote sile imfwe ukuluta kuti iviyantu vii ivitamanya Leza vize mu kunseka nga vinkome.” Umusenda mpamba nawe pali pakukana sana, pano wali ni ntete izya kucita cico. Acino Saulo pali pakutoola ulupanga lwakwe apona penepo aitota nga afwa.