Masamu 37:11 - Amazwi Yakwe Leza 2013

¹¹ Lelo yao aicefya yalapyana impanga nu kusyukila ulongo ulumalilike.

Masamu 37:11 ပူးပေါင်းရင်းမြစ်များ

Masamu 119:165

Antu yano yatemwa amasunde yako yakwata umutende ufumaluke, nupya kutaya nanti cimwi icingayaponya.

Masamu 25:13

Yene yalaya nu longo lyonsi, nu luko lwao lulaikwatila impanga umwakwikala

Masamu 36:8

Yene yakalya ivyakulya mpe, umu ng'anda umwako, iyikuta. Ukayamwesya nu mukaluzi ka nsansa zyako.

Masamu 72:7

Leka usuma uvulisye apa nsita ino Mwene ali pano nsi, ni syuko lya antu likayeko insita yonsi, ukufika na pano umwezi ulata ukuya penepo.

Ezaya 26:3

We Yawe antu yano yakasumba amano kuli wewe, nu kukutaila, leka yaikala umutende.

Ezaya 48:18

“Mwemo ndi cali cakuti mwasumbisya amano ku masunde yane, ulongo lwinu lungaya wa luzi ulukapita lyonsi sile. Nu kucimvya kwinu kungaya wa mayimbi akaipumola ku cituntu cakwe yemba.

Ezaya 57:13

Ndi walaizya tumalola ndi cakuti utuluwi twako utwipe tumakutuula! Umuza ulatuulula tonsi pyu, umupu ulatusenda. Lelo wiyo wensi uwataila munondi, alapyana insi. Umwamba wane uwamuzilo ulaya uwakwakwe.

Mateo 5:5

Alongo antu afuke. Pano yalapyana insi.

Yoane 14:27

“Namusila mutende, mutende wane auno namupeela. Ntamupile mutende ndi vino amu nsi yakapela. Mutaleka myenzo inu yaaziwa, nanti kuvwa intete.

Malango 5:33

Mwayela amasunde yonsi yakwe Yawe Leza winu ndi vino wamupeezile ilamulo, pakuti muye nu umi nupya mukwate ulongo nga mwikale amanda avule mu mpanga ino mulapoka nu kwikala mwenemo.

Filipi 4:7

Lyene pamulandu wakuti mwemwe yakwe Klistu, Leza alamupeela mutende uno kusi umuntu nanti wenga angaumanyikisya. Mutende kwene uu, ulatungulula umi winu ni myelenganyizizye inu.

1 Timoti 6:11

Lelo wemo, we muntu wakwe Leza, utakumako ku vintu vii vyonsi viipe. Uwaezya namaka kucita vyaololoke, ukuya wamuzilo, uwa utailo, kutemwa, kuposya, nga nu kufuka.

Yakobo 1:21

Acino lekini kucita vya winyi nu ukakasi onsi. Tontelini Leza nu kuzumila mazwi yano akaika mu myenzo inu, yano angamutuula.

Yakobo 3:13

Uzye munomuli mungaya umwi akweti mano nu kumanyikisya? Ndi amunoli lekini aisininkizye kupitila mu kwikala umi wakucita visuma mukufuka na mano.