Masamu 36:6 - Amazwi Yakwe Leza 2013

⁶ Ulungami wako waya uzyantile wa myamba itali yakwe Leza. Imipingwile yako, nayo yaya wa kuzika kwakwe yemba. We Yawe, awewe ukawaka antu ni nyama kwene.

Masamu 36:6 ပူးပေါင်းရင်းမြစ်များ

Utandiko 18:25

Cumi utangonona antu akacita vyawololoke pamwi na ankota. Citangaya, wemo utangacita cico. Ndi avino ungacita, ale lyene antu akacita vyawololoke yangavunukilwa kumwi na ankota. Awe, citangaya! Kapingula wa antu amu nsi yonsi asi uwalufyengo.”

Neemiya 9:6

Lyene aina Izlaeli yapepa ipepo lii: “Awewe wenga mpo, wewe uli Yawe. Awewe waumvile iyulu pamwi ni ntanda izyaya mwenemo. Awewe waumvile insi pamwi na vyonsi vino vyaya mwenemo. Awewe waumvile Yemba pamwi na vyonsi vino vyaya mwenemo. Awewe ukapeela umi kuli vyonsi, nga ni vya maka vya mwiyulu vikaoopa wewe nu kukufukamila.

Yobo 37:23

Wacila yonsi pyu uku maka nu ulungami. Ulungami wakwe wakula wakwe cimwi nu lufyengo mutaya.

Yobo 7:20

Nanti limwi ndi cakuti nakwifya sana, apo wewe uli kangalila wa anyepwe, icani cino ungansolola ukuya wa candamali cako? Uzye kwene nene ningaya wa cisendo icakukutitikizya?

Masamu 145:9

Yawe umusuma kuli yonsi, nupya waya na mizu ku viumbwa vyakwe vyonsi.

Masamu 147:9

Akapela uku nyama ivyakulya vyakwezyo, nu kulisya ana yakwe yamwankole nga yalila.

Masamu 31:20

Ukayasungilila kunuli, nu kuyacingilila uku mapange aipe a antu. Ukayasunga umwi cele lyako, nu kuyafuntusya uku ntusi zya anisi yao.

Masamu 71:19

We Leza, usuma wako wafika sile nu mupela. Wemo wacita ivintu ivikalamba wakwe cimwi! Icacumi, kutaya nanti wenga uwaya wakwe wewe!

Masamu 77:19

Wapisile muli yemba, walamba yemba mukalamba umuzike wakwe cimwi ni ngazo muno walyatanga zisi zyakuloleka nanti panono.

Masamu 92:5

Yemwe! Ivintu nu ukulu vino wemo ukacita, we Yawe! Ukwelenganya kwako kwazika wakwe cimwi!

Masamu 97:2

Amakumbi ni mfinzi vyamulilizya. Icumi nu ulungi ivikatungililila icilimba cakwe.

Kufuma 9:28

Imvula ya mawe nu kupangalansya vyaluta muno. Acino pepini kuli Yawe. Nalaya ukuti namamuta mupite, mutakwikala muno mpanga ya Eguputo nupya.”

Ezaya 40:28

Uzye fwandi mwemo mutamanya? Uzye mwemo mutuvwapo? Ala Yawe ali Leza wa pee, aliwe waumba insi yonsi. Wene asitonta foo na maka yakwe yasicepa awe! Umuntu wene angaposiwa ukupima amano yakwe pano yapelela.

Ezaya 45:19

Insikulandila mu umfisolo foo, nanti ukufisa vino nkapanga ukucita. Nsilonda kuti amu mupanda wakwe Yakobo yandonda cilondelonde apasi cimwi. Ne Yawe nkalanda icumi, nkamanyisya antu ivilungame.”

Yelemiya 12:1

Yawe nemo nga natuula umulandu kunuli, awewe ukalungamika. Lelo nemo indi na cimwi icakuuzya kunuli, pamulandu nu ulungami. Uzye kwene icani cino antu aipe nayo yakalolela ulongo? Uzye pacani cino incenjezi zya antu zikaikalila ku matwi cele?

Nyimbo zya ndosya 3:23

Muno amanda yala yacela wene akalanga cipya cipya ulukundo na mizu, pano wene uwacumi insita zyonsi.

Yona 4:11

Uzye nemo ntange njele umusumba ukulu wa Ninive uluse? Mu musumba kwene ulya muli ana anono 120,000 yao akaele, nga ni viteekwa vivule cuze!”

Loma 11:33

Lolini vino ukama wakwe Leza wavulisya! Na mano yakwe vino yavulisya nga nu kumanya vino wamanyikisya vintu. Uzye aweni angalondolola vino upinguzi wakwe waya? Uzye aweni angamanya vino akacita?

Loma 3:25

Leza wamutumile Klistu kuya impolelwa kuti mu mfwa yakwe amuno maifyo ya antu yangelelwa pa kutaila munoli. Leza wacisile vii pa kulanga ukuti wene mololoke. Mpiti Leza watekanga umwenzo nu kusulako ku maifyo yano antu yacitanga.

Malango 32:4

“Yawe ali kacingilila winu uwamaka, ivicitwa vyakwe vyaya ivifumaluke nupya visi vyalufyengo. Leza winu uwakutailwa nupya uwacumi wene akacita sile ivilungame ivisi vyakutitikizya.

Malango 7:9

Mwaiusya ukuti Yawe Leza winu aliwe ali Leza wenga sile nga nu kuti wene uwakutailwa. Wene alawaka upangano wakwe nu kulanga ukutemwa kwakwe ukwa pe ku antu amu mikulo izimbi yano yamutemwa nupya yakayela amalamulo yakwe.

1 Timoti 4:10

Acino swemo tukalwisya nu kuombesya, nu kwezya kucimvya pamulandu wakuti twika upaalilo witu muli Leza wa cumi. Wene ali Katuula wakwe onsi, maka maka yao yonsi ataila.

1 Samueli 14:15

Fwandi lyene intete izilema ivita vyonsi ivya ina Filisti ivyali mu nkambi kumwi na vivyo ivyali mu mpanga, na yayo alwisyanga. Umusili nao iwatenta. Cali icakoofya icakuzunguka ukufuma kuli Leza.