Masamu 35:7 - Amazwi Yakwe Leza 2013

⁷ Nemo yakansonka sile lino yakunteya isumbo, na pakunjimbila polowe.

Masamu 35:7 ပူးပေါင်းရင်းမြစ်များ

Yobo 18:8

Pasi pano amaulu yakwe kwene alio yamuletelela, yamutwala umwi sumbo walemya.

Masamu 119:85

Avilumba yao asiyela amasunde yako, yati yanjimbila amacinga.

Masamu 140:5

Acilumba yanteya ulukose umu umfisolo, yanteya inkose zyakuti nkalemyeko, yika ivisiki umu nzila ivyakuti nkapumikeko.

Masamu 25:3

Yonsi akataila munuli yatalazewana. Lelo yayo akakusangukila zuwazuwa, ali yano insonyi zilalema.

Masamu 57:7

We Leza, nemo umwenzo wane watiuiteyanya. Nemo namakwimbilanga inyimbo izya kukulumbanya!

Masamu 64:4

Muno yasokama umu kafuma inceto ala yakuzivwintila apa antu asuma. Yakazilasa nu kuzipumikizya ukwaula ni ntete.

Masamu 69:4

Antu akantandika uku mpata, yati yaya anyanya. Yavulisya nu kuluta inyele zyakumutwe. Yakasomba yaufi, akansombezye ukwaula umulandu uno nacita, yakalonda sile umwakuti mfwile. Nkapatikiziwa ukulipa vino ntiya.

Masamu 9:15

Ainamasi yatiyaponela umu viwina vino yimvile aisikulu. Ingazo zyao zyatizilemya umu nkose zino yatevile aisikulu.

Yelemiya 18:20

Uzye icumi, uyi ali cilambu ca pa usuma, apakuti yene avino yampangila? Iusya vino nemo nizile kunuli, ku kuyapapatilako, apakuti wemo utayafookela ukali ukali.

Yoane 15:25

Lelo cii cayako kuti icalembwa mu masunde yao cifikiliziwe, cino cikati, ‘Yampata pasi nanti mulandu.’