Masamu 35:4 - Amazwi Yakwe Leza 2013

⁴ Leka yayo akalonda ukunkoma yazewane, ni nsonyi ziyaleme? Na yayo akampingila nayo amano yayapele, yaswilile cundansizi!

Masamu 35:4 ပူးပေါင်းရင်းမြစ်များ

1 Yamwene 19:10

Eliya nawe ali pakwasuka ati, “We Yawe, Leza Wamaka yonsi, nemo nkamutumikila amanda yonsi nupya awewe sile mpo wino nkatumikila. Aina Izlaeli yonona upangano uno mwapangine nayo. Yene yatamola utuvuwa twako nu kukomola yakasema yako yonsi. Anene mutupu nemuno nasyala penepo. Alino nani kwene yakundunga akanyama kisi, yakulonda uku nkoma.”

Masamu 129:5

Yayo yonsi yano yapata Zioni insonyi kaziyaleme nu kusunkilwa uku cisila.

Masamu 35:26

Yano yakasansamukila api syamo lyane, kayaye ni nsonyi uleke na mano yao nayo yayapele. Aikala kwati yanduta, leka insonyi ziyaleme, yazewane nu kuzewana!

Masamu 38:12

Yao akalonda uku nkoma nayo yati yanteya inkose, na yao akalonda uku ncisa, yakungofya. Anene sile yikalile umusanya onsi ala yakumpangila.

Masamu 71:24

Umusanya onsi, nemo namalandanga apa usuma wako, pano yayo akalonda ukuncita cimwi, wemo wayacimvya nu kuyalenga insonyi.

Masamu 83:18

Yangala yamanye nu kuti awewe sile wenga ukaamwa Yawe, nupya wenga mpo, wewe uli Leza Wapapelapela umu nsi yonsi!

Ezaya 37:29

Icaleka pano wemo wansokela, nu kuyuvwila nayuvwila nenga, kuno icilumba cako caticikutwala, ali cino nani namatala nkupezye. Namakutunga umu mpuno nu mukanwa, alino nkakupisye nu umu nzila kwene ino wemo wizile mwenemo, nkuwezezye nakuno wafumile.”

Yelemiya 46:5

Nupya Yawe anguzya ati, “Uzye ivyani vivi vino nalola? Iye mwe! Yali ni ntete wakwe cimwi. Yaweluluka cundansizi. Ivita vyao vyumwa, yutuka ulwilo, kusi nu wakupepela icisila. Akasokonda konsi konsi.” Ivyalanda ne Yawe.

Ezekelo 13:19

Mukanzewanya apa manso ya antu yane, apakuti mulole utungano twakwe baale tumwi utwa pikufi, nga nu tumokolwa twa mukate. Pasi pano mukakoma antu atalinzile nu kufwa, nu kupususya atalinzile nu kwikala muno nsi. Mukasomba antu yane yano yatemwa ukuuvwa vyaufi.’”

Mateo 27:1

Lyene katondo, yasimapepo akalamba onsi, nga na aikolo yalanzyanya vya kucita pa kukoma Yesu.

Yoane 18:6

Lino Yesu wavwanga kunoyali ati, “Anene,” yawela cundansizi yapona na pansi.

1 Samueli 23:23

Londelezini incende zyonsi zino akafisama mwenemo nga muweluluke kunondi mwize munene. Lyene ndapita kweneko pamwi namwe, nga ndi cakuti acili mu ncende iyo, indamuzana, nanti angala indalondalonda umu mwiko wakwe Yuda onsi.”