Masamu 35:26 - Amazwi Yakwe Leza 2013

²⁶ Yano yakasansamukila api syamo lyane, kayaye ni nsonyi uleke na mano yao nayo yayapele. Aikala kwati yanduta, leka insonyi ziyaleme, yazewane nu kuzewana!

Masamu 35:26 ပူးပေါင်းရင်းမြစ်များ

Yobo 19:5

Ale fwandi kacali cili usi mulandu. Limwi mwemo mwalola ukuti namucimvya nanti namusinila umulandu uno nemo inkuculila mwenemo.

Yobo 8:22

Alino yao akupata alayaletela insonyi. Na mang'anda yakwe yakacita ya viipe yalalowa.”

Masamu 109:19

Kavile viye wa nsalu ino akavimbala, wa musipi uno ukamfyenta umu musana.

Masamu 129:5

Yayo yonsi yano yapata Zioni insonyi kaziyaleme nu kusunkilwa uku cisila.

Masamu 132:18

Anisi yakwe ndayafupilizya insonyi, lelo uwene wakwe wene ulaya nu longo wa kuwalula kwa maluwa.”

Masamu 35:4

Leka yayo akalonda ukunkoma yazewane, ni nsonyi ziyaleme? Na yayo akampingila nayo amano yayapele, yaswilile cundansizi!

Masamu 38:16

Utaleka anisi yane yayuvwe panondi, utaleka yuvwe icilumba kunondi, ndi cakuti ulwazo lwane lwasyelemuka napona!

Masamu 55:12

Nga cali icakuti umwanisi awino akuncuzya, nemo ntangasakamala foo. Nanti nga cali icakuti awenga pali yano twapusana awino akuitutumula kunondi ningafisama sile.

Masamu 71:13

Leka yayo ankatukila insonyi ziyaleme, nu kulowa yale yalowelele sile! Yao akalonda ukuncita cimwi kayasundwe, nu kuzewana yazewane.

Ezaya 41:11

Antu yano mumasokelanga yamazewananga sile ni nsonyi zimayalemanga. Yano yamulwisyanga yamafwanga.

Yelemiya 20:11

Lelo we Yawe, wemo waya ku lusansa lwane, nupya wewe ilamba lyamaka, na yayo akuncuzya yamapempezyokanga yaposiwa. Yene yalaposiwa mpaka yazewane pee, pamulandu wakuti yalaposiwa kufikilizya cino yakasi. Ukupupana kwao kutalatala kwililike, awe.

Yelemiya 48:26

Mukolesyini sile akoleke, pano watatalamila Yawe. Lekini Moabu aivumvunye mu malusi yakwe. Lekini asekwe.

Danieli 11:36

“Umwene waku Silya alacita ndi vino akasi. Wene alaitakizya ukuti umukulu kuluta Leza ali wensi, nupya alusile Leza Wapapelapela. Wene alacita cico ukufika lino Leza alamuvunuka. Leza alacita ndi mumu kwene muno wetetwile ukucita.

Mika 7:10

Lyene anisi itu yalalola ivintu vii, nga insonyi zilayalema antu yano yakauzya sweswe yati, “Uzye Yawe Leza winu ali kwi?” Ndalola ukucimviwa kwao, yalalyatolwa wa matipa mu museo.

1 Petulo 5:5

Mu musango uli onga kwene alumendo yalinzile kuyela aikolo. Nupya mwensi mulinzile kufukilana, pakuti mwatumikilana. Pano calembwa mu malembelo cati, “Leza akakanya yao aya ni cilumba, lelo waya ni cikuku kuli yao aicefya.”