Masamu 34:19 - Amazwi Yakwe Leza 2013

¹⁹ Ivikacula umuntu musuma ala ivingi wakwe cimwi. Lelo Yawe akamupususya kuli vyonsi sile.

Masamu 34:19 ပူးပေါင်းရင်းမြစ်များ

Yobo 42:12

Yawe nawe ali pakupolelela imikalile yakwe Yobo ukuluta napali vino watenzi mpiti. Fwandi lyene Yobo akwata imfwele amazimbi ikumi na yani. Ingamila amazimbi mutanda, yamasaye akulimila kumwi na yapulao izimbi lyonga. Yapunda akaci nayo izimbi lyonga.

Yobo 5:19

Wene angakupususya amaila mutanda, ni iila lyakwe cinimbali kutalaya iciipe nanti cimwi icilakuponela.

Masamu 147:3

Aliwe alapozya imyenzo yakwe yayo aculisye, alayanyepela ni vilonda vyao.

Masamu 34:17

Antu asuma ndi cakuti yapunda yati, “Tutulwe!” Yawe akayuvwa nu kuyatulanya ku macuzi yao yonsi.

Masamu 34:4

Napefile kuli Yawe nawe wanjaswike, ampususya na kuli vyonsi ivya nsakamikanga.

Masamu 34:6

Umupina ndi akulila Yawe akamuvwa, nupya akamupususya nu ku macuzi yakwe yonsi.

Masamu 51:19

Ali lino lyene, ulapokelela nu luzango impolelwa zyampomvu, impolelwa zyakoca, na mawila ya vilyo kumwi na tucipambasi twa ng'ombe, utwakutuula apa kavuwa kako.

Masamu 71:20

Wemo awewe ukandetela amizu na malanda. Lelo nupya awewe kwene ulampuputula. Nu kumfumya uku milomo yi lindi.

Mapinda 24:16

Umuntu musuma nanti angapumikiziwa ni vintu iviipe amaila nyanya, wene alasyala aimi sika. Aipe yene isyamo lilayaponela uyi uyi.

Ezaya 55:6

Londini Yawe apa nsita ino angazanwa, mwamini lino ali mupipi.

Ezaya 57:15

Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.

Yoane 16:33

Nati munena vintu vii pakuti muzane mutende munondi. Lino mucili mu nsi mulacula. Lelo posyini! Nemo nati ncimvya maka amu nsi ii.”

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

2 Kolinto 4:17

Macuzi itu angupale ansita inono, lelo yakatuletela lulumbi lukulu kuluta pa macuzi nupya ulwa pe.

Luti 1:3

Elimeleki afwa, nga Naomi, umuci wakwe, asyala wenga na ana yakwe yaili aonsi.