Masamu 31:8 - Amazwi Yakwe Leza 2013

⁸ Utantazyela foo, nanti uku nsumbila umu makasa ya anisi yane. Lelo waleka ukuti naipitila sile nenga ukwitolo.

Masamu 31:8 ပူးပေါင်းရင်းမြစ်များ

Yobo 16:11

Leza watampela mu makasa ya antu yankota, nu kumfumbatika mu minwe ya antu aipe.

Yobo 36:16

Fwandi nawe kwene Yobo, Leza akalonda uku kupususya ukupitila mu mulandu wako. Apa mpiti wasyukile ivyuma ivingi sana. Ni vyakulya ivyakulya mpe navyo vyatulumananga api tebulo lyako.

Masamu 10:14

Lelo we Leza ukalola umulanda nu mucuzi akuilizyanya, nga waiteyanya lyonsi ukuyazwilizya. Umupina akaituula kunuli. Wewe uli kazwa wa ana asyale.

Masamu 18:19

Watamfumya nu kunjika apawatuke, wene wankulula pamulandu wakuti akazangila munondi.

Masamu 4:1

Unguvwe nu kungazwa lino nkupepa kunuli, we Leza wane uwa ulungi. Lino nali umu ntazi, awewe wantuuzile. Ya na mizu kunondi nu kuuvwa ipepo lyane.

Masamu 88:8

Watuleka nu kuti anisi yane yansangukile, watuncita ukuya icamuselu kunoyali, natinjalilwa cakuti nkuposiwa nu kwa kufumila.

Kufuma 2:25

Leza alola ucuzi wa ina Izlaeli, nga asakamala kuti ayazwe.

Ezaya 19:4

Lelo nemo ndaleka ukuti umwene umwi umukakasi nupya umukali awino ace ateke aina Eguputo. Ivyalanda Mwene, Yawe Wamaka yonsi.”

Malango 26:7

Alino naswe itulilila Yawe, Leza wa vikolwe vitu kuti atwazwilizye. Nga nawe auvwa kunotuli alola nu kucula kwitu, intazi zitu, nu ulanda witu.

Malango 32:30

Uzye pacani cino umuntu wenga sile wacimvizye antu izimbi, nga na antu yaili sile nayo yacimvizye antu amazimbi ikumi? Apamulandu wakuti Yawe, Leza wao, wayafutata. Leza wao uwamaka yonsi wayatazyela.

1 Samueli 17:46

Uwanda kwene uu Yawe amakundemela. Namakucimvya nu kuputula umutwe wako. Nupya namapeela imili ya asilika ya ina Filisti ku vyunyi ni vinyama kuti vilye. Lyene amu nsi yonsi yalamanya ukuti umu mpanga ya ina Izlaeli mwaya Leza.

1 Samueli 24:18

Watunena apaswe ilelo kwene ivintu ivisuma vino watucita kunondi. Yawe wali wapeela nene mu makasa yako, lelo wemo utali wankoma, awe.

1 Samueli 26:8

Alino Abisyai anena Davidi ati, “Ilelo Leza watapeela anisi yako umu makasa yako. Fwandi kantole isumo lyakwe kwene alino mutulinkanye mpaka lisimpe na pansi, apakuvwinta isumo lyane iila lyonga kwene. Nsikumutota iila lyakwe ciili, foo.”