Masamu 31:7 - Amazwi Yakwe Leza 2013

⁷ Namasangalalanga nu kuzanga apa luse lwako, pano wewe walola mpiti ulanda wane, nu kumanya, wamanya mpiti ulanda wa mwenzo wane.

Masamu 31:7 ပူးပေါင်းရင်းမြစ်များ

Neemiya 9:32

“Ale fwandi, we mwene Leza witu! We Leza wakoofya, wemo wakwatisya amaka! Wemo ukawaka amalayo ya kutemwa aupangano wako. Utasuula ulanda witu uu uno watiutwizila sweswe swensi, ukutandikila pali yamwene itu, intunguluzi zitu, yasimapepo itu, yakasema itu, pamwi ni vikolwe vitu, na antu itu yonsi pyu. Ukutandikila sile pa manda yakwe yamwene aku Asilya, lino yatucuzyanga ukwizafika na pilelo kwene, silola vino twacula!

Yobo 10:9

We Leza icumi iusya ukuti nemo awewe wambumvile ukufuma ukwivu. Alino lyene fwandi ufutuke nu kunswilizya ukwivu kwene?

Yobo 23:10

Lelo kwene Leza wamanya imipitile yane yonsi. Ndi cakuti angatemwa ukumvukuta umwi lungu, awe cumi angalola sile kuno niza nafuma mpee, wakwe zaabu.

Masamu 1:6

Pano Yawe wasakamala antu akacita vyaololoke, lelo yakaifya yene yalalowelela sile.

Masamu 10:14

Lelo we Leza ukalola umulanda nu mucuzi akuilizyanya, nga waiteyanya lyonsi ukuyazwilizya. Umupina akaituula kunuli. Wewe uli kazwa wa ana asyale.

Masamu 119:153

Lolekesya apa kucula kwane, nga untuule pano nemo ntiilila amasunde yako.

Masamu 13:5

Lelo nemo inkutaila umu kutemwa kwako ukwa pe, we Yawe. Ungala uleke umwenzo wane uzangile uku wazwilizyo wako.

Masamu 142:3

Umwenzo wane usi na maka, lelo wemo wamanya vino ningacita. Umu nzila yane yanteya ulukose.

Masamu 25:18

Elenganya apa ntazi nu kucula kwane, nu kwelela amaifyo yane yonsi.

Masamu 71:20

Wemo awewe ukandetela amizu na malanda. Lelo nupya awewe kwene ulampuputula. Nu kumfumya uku milomo yi lindi.

Masamu 9:13

Ndola luse luse, we Yawe! Lola ucuzi uno anisi yane yamponyezya. Awewe sile ungampususya ku mfwa, we Yawe,

Masamu 90:14

Umu katondo uwatukwatila uluse lwako pee, ulwa muntaputuka apakuti twasansamuka nu kuzanga amanda pe.

Ezaya 43:2

Lino wapita umu manzi azike, namayanga nawe, na lino ukulamba uluzi, utalamwela awe. Lino wapita umu moto, utalapya awe. Icimbilimbili cakweo citalakwambukila awe.

Ezaya 49:13

Imbilini mwazanga, mwe viumbwa vyamu mayulu! Pongomoka nu luzango nawe we nsi. Mwe myamba saulini inyimbo, pano Yawe watamyalalika antu yakwe, nu kutezela alanda akwakwe.

Ezaya 63:16

Pano wewe kwene wewe uli Tata. Abulaamu atatumanya, Yakobo atatumanya. Lelo wemo we Yawe, wewe uli Tata, wewe uli Katuula witu pee. Ilili zina lyako ilyampiti na mpiti.

Ezaya 63:9

uku macuzi yao yonsi. Kusi inkombe imwi nanti umungeli ali wensi, uwatayapususya kweneko foo. Suka sile Yawe wenga ali wino wayapuswisye. Ukufuma nu ku mpiti ali wino wayapususyanga nu kuyasunga lyonsi.

Yelemiya 33:11

utupundu twa nsansa nu twa luzango. Muluvwika na mazwi yakwe nawinga na siwinga. Lino antu yalaleta amawila akutaizya uku ng'anda yane, amazwi yao yalauvwika lino yakwimba ala yakuti, ‘Taizini Yawe Wamaka Yonsi, pano wene umusuma, nu luse lwakwe ulwa manda pe.’ Pasi pano impanga kwene ii nemo ndailetela isyuko ndi vino nacisile apa mpiti. Ica cumi, anene ne Yawe navwanga.”

Nyimbo zya ndosya 3:50

mpaka sile lino Mwene alasungamila ukufuma ukwiyulu nu kutulolekesya penepo.

Nyimbo zya ndosya 5:1

We Yawe, uwaiusya ivyatucitikile. Lolekesya, ngulole ukucula kwitu.

1 Kolinto 8:3

Lelo Leza wene asyatwisika umuntu wino wamutemwa.

Galatiya 4:9

Lelo ndakai mwamanya Leza, nga kuluta pali cii, Leza nawe wamumanya. Uzye lyene mungaswilila uli ku kutekwa uzya ni ntambi zya nsi zisi na muzano nupya zikalenga insonyi?

2 Timoti 2:19

Lelo mufula ukome uno Leza wika wene utangatensiwa. Nupya pa mufula kwene uwo palembwa mazwi yano yakati, “Mwene wamanya antu yakwe” nupya yakati, “Wino wensi akaitaka ukuti wene umuntu wa Mwene alinzile kuzenzuka ku kuluvyanya konsi.”